“ისრაელის დარტყმებს ირანის გენშტაბის უფროსი ემსხვერპლა” - BBC
ისრაელის საჰაერო დარტყმების შედეგად ირანის შეიარაღებული ძალების მეთაური, მოჰამედ ბაყერი გარდაიცვალა. ამის შესახებ ინფორმაციას, BBC ავრცელებს.
ბაყერი 1980 წელს ირანის ისლამური რევოლუციის გუშაგთა კორპუსს შეუერთდა და მოგვიანებით ქვეყნის ერთ-ერთი მნიშვნელოვანი სამხედრო პირი გახდა.
გარდა ამისა, როგორც BBC იუწყება, ისრაელის საჰაერო დარტყმებს აგრეთვე ემსხვერპლნენ: ისლამური რევოლუციის გუშაგთა კორპუსის მეთაური, ჰოსეინ სალამი, ირანელი მეცნიერი, ირანის ატომური ენერგიის ორგანიზაციის ყოფილი ხელმძღვანელი, ფერეიდონ აბასი, ირანის შეიარაღებული ძალების გაერთიანებული შტაბის „ხატამ ალ-ანბიას“ მეთაური, გენერალი გოლამალი რაშიდი და კიდევ ერთი ირანელი ფიზიკოსი, მოჰამად მაჰდი თეირანჩი.
ცნობისთვის, ისრაელმა გამთენიისას ირანის წინააღმდეგ სამხედრო ოპერაცია სახელწოდებით „ლომთა ერი“ დაიწყო. ოპერაციის ფარგლებში დაიბომბა ირანის ბირთვული ობიექტები.
სიახლეები
- “საქართველოში ცვლილებების ორი სცენარი არსებობს: არჩევნები და საპროტესტო აქციები, სანამ არჩევნებამდე მიაღწევ” - სალომე ზურაბიშვილი
- “ყველამ, მათ შორის, ევროკავშირმა, უნდა მიბაძოს აშშ-ს და უარი თქვას რადიკალიზმის წაყრუებაზე, წაქეზებაზე და დაფინანსებაზე” - შალვა პაპუაშვილი
- უცხოური ვალუტის ოფიციალური კურსი 19 სექტემბრისთვის
- ეკვადორის შვიდ პროვინციაში საგანგებო მდგომარეობა გამოცხადდა
- საფრანგეთი ბიუჯეტის შემცირების გამო მასობრივ საპროტესტო აქციებსა და გაფიცვებს მართავს
