ავსტრიის ქალაქ გრაცის ერთ-ერთ სკოლაში შეიარაღებული თავდასხმა მოხდა
ავსტრიის ქალაქ გრაცის ერთ-ერთ სკოლაში სროლა იყო. შინაგან საქმეთა სამინისტრო რამდენიმე მოკლულის შესახებ იუწყება.
ავსტრიის მედიასაშუალებების ცნობით, მოკლულია, სულ მცირე, 8 ადამიანი. არიან დაჭრილები.
თავდასხმის დეტალები ჯერჯერობით უცნობია. ადგილობრივი პოლიცია ამ ეტაპზე მხოლოდ იმას აცხადებს, რომ გრაცის იმ ქუჩაზე, სადაც სკოლა მდებარეობს, ოპერაცია და ევაკუაცია მიმდინარეობს.
ავსტრიის სამხრეთ-აღმოსავლეთში მდებარე გრაცი ვენის შემდეგ ქვეყნის სიდიდით მეორე ქალაქია.
განახლება: ავსტრიის საზოგადოებრივი მაუწყებელი ORF პოლიციაზე დაყრდნობით ავრცელებს ცნობას, რომ სკოლაში სროლა დაიწყო ერთ-ერთმა მოსწავლემ, რომელმაც შემდეგ თავი მოიკლა.
გამოცემა Kronen Zeitung-ის ინფორმაციით, სკოლის მოსწავლემ ცეცხლი ორ კლასში გახსნა, მოგვიანებით კი მისი ცხედარი სკოლის ტუალეტში იპოვეს.
სიახლეები
- “საქართველოში ცვლილებების ორი სცენარი არსებობს: არჩევნები და საპროტესტო აქციები, სანამ არჩევნებამდე მიაღწევ” - სალომე ზურაბიშვილი
- “ყველამ, მათ შორის, ევროკავშირმა, უნდა მიბაძოს აშშ-ს და უარი თქვას რადიკალიზმის წაყრუებაზე, წაქეზებაზე და დაფინანსებაზე” - შალვა პაპუაშვილი
- უცხოური ვალუტის ოფიციალური კურსი 19 სექტემბრისთვის
- ეკვადორის შვიდ პროვინციაში საგანგებო მდგომარეობა გამოცხადდა
- საფრანგეთი ბიუჯეტის შემცირების გამო მასობრივ საპროტესტო აქციებსა და გაფიცვებს მართავს
