ხარკოვის მერი, იჰორ ტერეხოვი ამბობს, რომ რუსეთმა ქალაქის მიმართულებით 48 უპილოტო თვითმფრინავი და ორი რაკეტა გაუშვა. წინასწარი ინფორმაციით დაზიანდა 18 საცხოვრებელი კორპუსი და 10-ზე მეტი საცხოვრებელი შენობა.

რუსეთის ჯარებმა 6 ივნისს, შუაღამის შემდეგ რაკეტებით და დრონებით მასირებული შეტევა მიიტანეს უკრაინაზე, მათ შორის დედაქალაქ კიევზე.

უკრაინის ხელისუფლების ცნობით, კიევში დაიღუპა სამი მაშველი, რომლებიც პროფესიულ მოვალეობას ასრულებდნენ. ქვეყნის მასშტაბით დაშავდა 80 ადამიანი, ექვსი კი დაიღუპა. დანგრეული ან დაზიანებულია სახლები და სხვა შენობები, მეტროს და რკინიგზის ინფრასტრუქტურა და ელექტროგადამცემი ხაზები.

უკრაინის საჰაერო ძალების სარდლობის ინფორმაციით, რუსეთის ჯარებმა უკრაინას შეუტიეს 407 უპილოტო საფრენი აპარატით და 45 რაკეტით. სარდლობის თანახმად, მოგერიებულია 199 დრონი და 36 რაკეტა.