.მაისის ბოლოს გამოცემამ გამოაქვეყნა სტატია იმის შესახებ, რომ ბიზნესმენმა, სავარაუდოდ, ნარკოტიკების მოხმარება უფრო აქტიურად იმ პერიოდში დაიწყო, როდესაც ის ტრამპის ერთ-ერთი უახლოესი თანამშრომელი გახდა.

თავად მასკმა უარყო, რომ ნარკოტიკებს (კერძოდ, კეტამინს) მოიხმარდა და გამოცემა გააკრიტიკა.

„ტრამპი, რომელსაც ილონ მასკის მიერ ნარკოტიკების მოხმარების თაობაზე „ნიუ-იორკ თაიმსის“ სტატიის შესახებ ინფორმაცია მიაწოდეს, ბოლო 24 საათის განმავლობაში თავის თანაშემწეებს ეუბნებოდა, რომ მასკის „გიჟური“ ქცევა მისი მხრიდან ნარკოტიკების მოხმარების გამოა“, – ნათქვამია სტატიაში.

შეგახსენებთ, რომ დონალდ ტრამპი და ილონ მასკი რამდენიმე დღეა სოციალურ ქსელში ერთმანეთს აკრიტიკებენ. მასკმა გუშინ დაწერა, რომ მის გარეშე „ტრამპი არჩევნებს წააგებდა”. თავის მხრივ, ტრამპმა განაცხადა, რომ ილონ მასკი ჭკუიდან შეიშალა და მას კონტრაქტების გაუქმებით დაემუქრა. გარდა ამისა, მასკმა სოციალურ ქსელში დაწერა, რომ აშშ-ის პრეზიდენტი დონალდ ტრამპი „ეპშტეინის ფაილებში“ ფიგურირებს.