მას ჰკითხეს, აპირებს თუ არა ის „მართვის სადავეების გადაბარებას“ მას შემდეგ, რაც დონალდ ტრამპი თანამდებობას დატოვებს.

„ჩემთვის პატივია, რომ ამის შესახებ მკითხეს და პატივია, რომ ზოგიერთ ადამიანს ამის საწინააღმდეგო არაფერი აქვს. ასე რომ, პასუხი ასეთია: არ ვიცი, იქნებ ერთ დღესაც. იცით, მოწოდება არსებობს. მე ყოველთვის ვიქნები ამ საკითხების ძალიან აქტიური მხარდამჭერი. ვფიქრობ, რომ მამაჩემმა ნამდვილად შეცვალა რესპუბლიკური პარტია“, – განაცხადა უმცროსმა ტრამპმა.

მედიის ცნობით, დონალდ ტრამპ უმცროსი დამოუკიდებელ პოლიტიკურ ძალად ჩამოყალიბდა.

„როიტერმა“ ნოემბერში გაავრცელა ინფორმაცია, რომ ის ტრამპების ოჯახის ყველაზე გავლენიანი წევრი იყო გარდამავალი პერიოდის განმავლობაში, როდესაც მამამისი კაბინეტს ქმნიდა და თეთრ სახლში დასაბრუნებლად ემზადებოდა.