იტალიაში, მაღაზიაში ქურდობის ბრალდებით საქართველოს მოქალაქე დააკავეს
იტალიაში, ბოლცანოში მაღაზიაში ქურდობის ბრალდებით საქართველოს მოქალაქე დააკავეს. ინფორმაციას ადგილობრივი მედია ავრცელებს.
როგორც იტალიური მედია იტყობინება, 43 წლის კაცი მაშინ დააკავეს, როდესაც ის მაღაზიიდან მოპარული ნივთების გატანას ცდილობდა. სათვალთვალო კამერების ჩანაწერებით დადგინდა, რომ მან ქურთუკსა და შარვალში სხვადასხვა ნივთები ჩაილაგა და ადგილის დატოვება სცადა, თუმცა დაცვამ ამის საშუალება არ მისცა. დაკავებულმა პოლიციის მოსვლამდე მაღაზიის დაცვის თანამშრომლების მიმართ წიწაკის სპრეი გამოიყენა და გაქცევა სცადა, მაგრამ ის მაინც დააკავეს.
მედიის ცნობით, ბრალდებულს იტალიაში ლეგალურად ცხოვრების უფლება ჰქონდა. მისი გათავისუფლების შემდეგ საქართველოს მოქალაქეს ქვეყნიდან გააძევებენ.
სიახლეები
- თიანეთში, ცოლის განსაკუთრებული სისასტიკით განზრახ მკვლელობაში ბრალდებულს უვადო პატიმრობა მიუსაჯეს
- როგორი ამინდი იქნება 24 მაისის ჩათვლით | გარემოს ეროვნული სააგენტოს პროგნოზი
- პირველკლასელთა საყოველთაო რეგისტრაცია 22 მაისს, 09:00 საათიდან დაიწყება
- პაკისტანში, სასკოლო ავტობუსზე თავდასხმის შედეგად, სულ მცირე 4 ბავშვი დაიღუპა | არიან დაშავებულებიც
- ქათმის სალათი
