აზერბაიჯანი სომხეთს ცეცხლის გახსნაში ადანაშაულებს
13 მაისს, სომხეთის შეიარაღებული ძალების დანაყოფებმა, გორუშისა და ჩამბარაკის რაიონების მიმართულებით განლაგებული პოზიციებიდან, მცირე ზომის იარაღის გამოყენებით, აზერბაიჯანის არმიის პოზიციებს ცეცხლი გაუხსნეს.
აღნიშნულის შესახებ ინფორმაცია, აზერბაიჯანის თავდაცვის სამინისტრომ გაავრცელა.
„აზერბაიჯანის საჯარისო შენაერთებმა აღნიშნული მიმართულებებით ადეკვატურ ზომებს მიმართეს“, – აღნიშნულია აზერბაიჯანის თავდაცვის სამინისტროს განცხადებაში.
სომხეთის თავდაცვის სამინისტრომ ინფორმაცია უარყო და აღნიშნა, რომ აზერბაიჯანის თავდაცვის სამინისტროს მიერ გავრცელებული განცხადება რეალობას არ შეესაბამება.
,,აზერბაიჯანის თავდაცვის სამინისტროს მიერ გავრცელებული განცხადება, რომლის თანახმადაც, 13 მაისს, საღამოს 8:45-დან 9:30 საათამდე, სომხეთის რესპუბლიკის შეიარაღებულმა ძალებმა ცეცხლი გაუხსნეს საზღვრის აღმოსავლეთ და სამხრეთ-აღმოსავლეთ მონაკვეთებში განლაგებულ აზერბაიჯანის საბრძოლო პოზიციებს, რეალობას არ შეესაბამება”,- ნათქვამია უწყების განცხადებაში.
სიახლეები
- “როდესაც შენ, კონკრეტული პოლიტიკური პარტიის ლიდერისგან ქირაობ რეზიდენციას და ამის შემდეგ გამოდიხარ ამ პოლიტიკური პარტიის გულმხურვალე მხარდამჭერად, აქ კითხვები ერთიორად მძაფრდება” - ირაკლი კობახიძე გერმანიის ელჩზე
- “საზოგადოებას აქვს სრული უფლება, იცოდეს ყველა დეტალი ამ გარიგების, როდესაც უცხო ქვეყნის ელჩი, რომელიც ვხედავთ, რომ გამოირჩევა ოპოზიციის ქომაგობითა და მხარდაჭერით” - შალვა პაპუაშვილი ფიშერის მიერ ხაზარაძის სახლის დაქირავებაზე
- შოვის ტრაგედიიდან ორი წელი გავიდა
- ბერძნული სალათა
- “მედვედევის პროვოკაციული განცხადებების შემდეგ, შესაბამის რეგიონებში ორი ბირთვული წყალქვეშა ნავის განლაგების ბრძანება გავეცი” - ტრამპი
