"ყველას გვიყვარს ევროპა, მაგრამ ევროკავშირი აბსოლუტურად სასტიკია ვაჭრობასთან დაკავშირებით"- დონალდ ტრამპი
აშშ-ის პრეზიდენტმა, დონალდ ტრამპმა ხელი მოაწერა მემორანდუმს, რომელიც ვაჭრობის მინისტრობის კანდიდატს, ჰოვარდ ლუტნიკს და უმაღლეს სავაჭრო წარმომადგენელს, ჯემისონ გრირს ავალებს, ზედამხედველობა გაუწიონ თითოეულ ქვეყანასთან აშშ-ის სავაჭრო კავშირების ანალიზს და წარადგინონ კონკრეტული ზომები ამერიკული კომპანიების მიმართ დისკრიმინაციის აღმოჩენის შემთხვევაში.
„სამართლიანობის მიზნით გადავწყვიტე, რომ საპასუხო ტარიფები დავაწესო. რაც ნიშნავს, რომ რასაც სხვა ქვეყნები უწესებენ ამერიკის შეერთებულ შტატებს, იმავეს დავაკისრებთ ჩვენც. თითქმის ყველა შემთხვევაში ისინი გვაკისრებენ გაცილებით მეტს, ვიდრე ჩვენ ვაკისრებთ მათ, მაგრამ ეს დრო დამთავრდა“, - აღნიშნა ტრამპმა.
ტრამპმა ასევე ხაზი გაუსვა, რომ ევროკავშირს "ძალიან აუტანელი" სავაჭრო პოლიტიკა აქვს და კიდევ ერთხელ გააკრიტიკა ბრიუსელის გადაწყვეტილებები ამერიკული კომპანიების : Google-ის, Apple-სა და Facebook-ის დაჯარიმების შესახებ.
”ჩვენ ყველას გვიყვარს ევროპა, გვიყვარს ევროპის ქვეყნები, მაგრამ ევროკავშირი აბსოლუტურად სასტიკია ვაჭრობასთან დაკავშირებით. ევროკავშირი ძალიან აუტანელია და სათანადოდ არ გვექცევიან“, - აღნიშნა ტრამპმა.
ამასთან, მისი თქმით, ქვეყნებს შეეძლოთ თავიდან აიცილონ ახალი გადასახადები წარმოების შეერთებულ შტატებში გადატანით. „თუ აქ ააშენებთ, არანაირი ტარიფი არ გექნებათ“, - დასძინა მან.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
