„რადიკალურმა მემარცხენეებმა აწარმოეს ყოვლისმომცველი კამპანია ბიოლოგიური სქესის ცნების წასაშლელად და მისი მებრძოლი ტრანსგენდერული იდეოლოგიით ჩანაცვლებისთვის. ამ აღმასრულებელი ბრძანებით ომი ქალთა სპორტზე დასრულებულია. ამ მომენტიდან ქალთა სპორტი იქნება მხოლოდ ქალებისთვის“, – თქვა ტრამპმა.

თეთრი სახლის ოფიციალურმა პირებმა განაცხადეს, რომ ადმინისტრაცია გააუქმებს ბაიდენის ადმინისტრაციის მითითებებს სამოქალაქო უფლებების შესახებ კანონში, რომელიც ხელს უშლის სქესობრივი ნიშნით დისკრიმინაციას საგანმანათლებლო პროგრამებსა და აქტივობებში. სკოლებს მოეთხოვებოდათ, რომ ტრანსგენდერ სტუდენტებს მიეცეთ წვდომა სკოლის სპორტულ გუნდებსა და სქესის მიხედვით განცალკევებულ ობიექტებზე, რომლებიც შეესაბამება მათ გენდერულ იდენტობას. სამაგიეროდ, ტრამპის ბრძანება კრძალავს სტუდენტებს, რომლებიც დაბადებისას მამრობითი სქესის წარმომადგენლები არიან და მონაწილეობენ გოგონათა და ქალთა სპორტში, ასევე, სარგებლობენ ქალთა საპირფარეშოებით. განათლების დეპარტამენტს დაევალება გამოიძიოს პოტენციური დარღვევები.