ისრაელმა და „ჰამასმა“ ცეცხლის შეწყვეტის შესახებ შეთანხმებას ხელი მოაწერეს - ებრაული მედია
ისრაელმა და დაჯგუფება „ჰამასმა“ კატარის დედაქალაქ დოჰაში ხელი მოაწერეს ცეცხლის შეწყვეტის შესახებ შეთანხმებას, რომელიც 2023 წლის 7 ოქტომბერს გატაცებული ებრაელების ტყვეობიდან გათავისუფლებასაც გულისხმობს,- ინფორმაციას ებრაული მედია ავრცელებს.
ხელშეკრულება ძალაში მისი ხელმოწერიდან ორ-სამ დღეში შევა. დოკუმენტი სამი ფაზის განხორციელებას გულისხმობს.
კერძოდ, პირველი ფაზის დროს, რომელიც 42 დღე გაგრძელდება, „ჰამასი“ 33 ტყვეს გაათავისუფლებს, ისრაელის თავდაცვის არმია ღაზაში უკან დახევას დაიწყებს, მაგრამ ანკლავის პერიმეტრს უსაფრთხოებისთვის შეინარჩუნებს. პირველი ფაზის დროს ისრაელი 7 ოქტომბრის თავდასხმაში ბრალდებული პალესტინელების ციხიდან გამოშვებას დაიწყებს. 42-ე დღის ბოლოს ებრაელი ჯარისკაცები ღაზაში მხოლოდ ე.წ. ფილადელფიის კორიდორში დარჩებიან.
ამის შემდეგ ამოქმედდება ხელშეკრულების მეორე ფაზა. „ჰამასი“ კიდევ გაათავისუფლებს ტყვეებს, სანაცვლოდ ისრაელი ღაზაში განთავსებულ საკუთარ ჯარებს უფრო უკან დახევს. ხელი მოეწერება უსაფრთხოების პროტოკოლს, რომელიც პალესტინელი ლტოლვილების ღაზის სექტორში დაბრუნებას უზრუნველყოფს.
მესამე ფაზის დროს დაჯგუფება თავის ტყვეობაში დარჩენილ ყველა მძევალს გამოუშვებს, ხოლო ამის შემდეგ ისრაელის ჯარები სრულად გავლენ ღაზის სექტორიდან.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
