რუსმა დიპლომატებმა ბრიტანეთის პარლამენტში უცხო პირებისთვის დახურულ ნაწილში შეაღწიეს - Guardian
რამდენიმე რუსმა დიპლომატმა, რომლებიც ლონდონში, დიდი ბრიტანეთის პარლამენტში ექსკურსანტთა ჯგუფთან ერთად იმყოფებოდნენ, ლორდთა პალატის შენობაში შეაღწია. ამის შესახებ ბრიტანული გამოცემა Guardian-ი წერს პარლამენტში ინფორმირებულ წყაროებზე დაყრდნობით.
პარლამენტის შენობის ამ ნაწილში უცხო პირების შესვლა აკრძალულია. რუსი დიპლომატები შენობიდან დაცვის სამსახურმა გააძევა.
ინციდენტი, რომლის შესახებაც ბრიტანულმა გამოცემამ 16 იანვარს დაწერა, შობის წინ მოხდა. გაერთიანებულ სამეფოში შობა 25 დეკემბერს აღნიშნეს.
Guardian-ის წყაროს თანახმად, როგორც ჩანს, რუს დიპლომატებს უბრალოდ, სურდათ კრემლის წინაშე თავის მოწონება იმით, რომ „ბრიტანეთის პარლამენტში შეაღწიეს”. როგორც გამოცემა წერს, რუსი დიპლომატები რაიმე ზიანის მიყენებამდე გამოიჭირეს.
ინციდენტის შემდეგ დიდი ბრიტანეთის მთავრობამ პარლამენტის ორივე, თემთა და ლორდთა პალატების წევრებს გაუგზავნა გამაფრთხილებელი წერილი, რომ რუსი დიპლომატები პარლამენტის შენობაში კერძო წესითაც კი არ უნდა მიიწვიონ.
Guardian-ის თანახმად, გაურკვეველია რუსი დიპლომატები ექსკურსიაზე პარლამენტის რომელიმე თანამშრომელმა ან დეპუტატმა მიიწვია, თუ თავად იყიდეს ტურისტებისთვის განკუთვნილი ბილეთები.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
