რუსეთის რეგიონებზე დრონებით შეტევა განხორციელდა
რუსეთის რეგიონებზე უპილოტო საფრენი აპარატებით მორიგი შეტევა განხორციელდა. თავდაცვის სამინისტროს გავრცელებული მონაცემებით, რუსეთის რვა რეგიონში 35 უკრაინული დრონი მოიგერიეს.
ზოგიერთი რუსული ტელეგრამ არხის ცნობით, უპილოტო საფრენი აპარატებით შეტევის ერთ-ერთი სამიზნე ქალაქ რიაზანთან მდებარე სამხედრო აეროდრომი იყო.
ამასთან დაკავშირებით ოფიციალური კომენტარი არ გაკეთებულა. რიაზანის ოლქის გუბერნატორმა პაველ მალკოვმა დილით ტელეგრამზე მხოლოდ ის დაწერა, რომ მოგერიებული უკრაინული დრონების ნამსხვრევებმა კორაბლინსკის რაიონში ოთხი სახლი დააზიანა, თუმცა არავინ დაშავებულა.
ამასთან, უკრაინას რუსეთის რეგიონებზე დრონებით დღევანდელი შეტევის შესახებ ჯერჯერობით კომენტარი არ გაუკეთებია.
სიახლეები
- ოსპის წვნიანი
- “დარწმუნებული ვარ, დასკვნა იქნება ისტორიული” - მაჭარაშვილი საგამოძიებო კომისიაზე
- “ჩემი მდგომარეობა ნორმალურია, ახლა მნიშვნელოვანია შეუპოვრობა” - ხოშტარია შიმშილობის მე-3 დღეს
- „რუსეთმა ომის დაწყების შემდეგ უკრაინაზე ყველაზე მასშტაბური საჰაერო იერიში მიიტანა“, ამბობენ უკრაინის საჰაერო ძალებში
- “სულ მცირე 71 ადამიანი ემსხვერპლა ევინის ციხეზე ისრაელის იერიშს” - ირანის სასამართლო
