იტალიაში სახლში გაზის აფეთქებას ერთი ოჯახის 4 წევრი ემსხვერპლა
იტალიის ქალაქ სავიანოში ორსართულიან სახლში გაზის გაჟონვით გამოწვეულ აფეთქებას ერთი ოჯახის 4 წევრი, მათ შორის 2 ბავშვი, ემსხვერპლა.
სახანძრო სამსახურის ინფორმაციით, აფეთქების შემდეგ სახლის ნაწილობრივი ჩამოშლის შედეგად დედა, ბებია და და-ძმა დაიღუპნენ, მამა და ახალშობილი ბავშვი კი ნანგრევებიდან ცოცხლები გამოიყვანეს.
ადგილობრივი მედიის ცნობით, მამა საავადმყოფოში გადაიყვანეს და მძიმე მდგომარეობაშია, ხოლო ახალშობილის დაზიანებები სიცოცხლისთვის სახიფათო არ არის.
"მეხანძრეებმა მამა და ახალშობილი გადაარჩინეს და მათი ზრუნვა ადგილზე მობილიზებულ ჯანდაცვის სფეროს მუშაკებს ჩააბარეს, თუმცა ვერაფერი უშველეს ორ ბავშვს, ბიჭსა და გოგოს, რომელთა ცხედრებიც, სამწუხაროდ, უსიცოცხლოდ აღმოაჩინეს". - წერია იტალიის სახანძრო სამსახურის განცხადებაში.
აფეთქება ადგილობრივი დროით დილის 7 საათზე მოხდა. მეხანძრეების თქმით, მამა და ახალშობილი დილითვე იპოვეს, დედის, ბებიისა და და-ძმის ცხედრები კი დღის განმავლობაში აღმოაჩინეს.
სიახლეები
- ,,ეს არის იმ პოლიტიკის დამსახურება, რასაც საქართველოს ხელისუფლება წლებია აწარმოებს"- შალვა პაპუაშვილი
- ,,სალომე ზურაბიშვილმა გლოვის დღეს ცილი დასწამა ეკლესიას და შემდეგ კითხვები უჩნდება, სად იყო და სად არა"- შალვა პაპუაშვილი
- საპატრიარქო განცხადებას ავრცელებს
- იმერეთში რძის გადამამუშავებელი არალეგალური საწარმოები გამოვლინდა
- ,,გლოვის დღეები ჰქონდა საქართველოს, ამიტომ არაფერი დავწერე, არადა ბევრი რამ მოხდა…” – ეკა კუპატაძე
