უკრაინაზე დრონებით მორიგი შეტევა იყო
რუსეთმა უკრაინაზე უპილოტო საფრენი აპარატებით მორიგი იერიში მიიტანა. უკრაინის საჰაერო ძალების მიერ დილით გამოქვეყნებული მონაცემებით, ღამის განმავლობაში საოკუპაციო ძალებმა „შაჰედის“ ტიპის 29 დრონი გამოიყენეს. საჰაერო ძალების თანახმად, ოდესის, ნიკოლაევის, დნეპროპეტროვსკის, ხარკოვის, ჩერკასის, ხერსონისა და კიროვოგრადის ოლქებში 28 უპილოტო საფრენი აპარატი ჩამოაგდეს.
დრონების ნამსხვრევებმა ხანძრები გამოიწვია ქალაქ ხარკოვში. ადგილობრივი ხელისუფლების ინფორმაციით, დაიწვა ორი კერძო სახლი. დაშავდა სამი ადამიანი.
ხარკოვის საოლქო-სამხედრო ადმინისტრაციის ცნობით, დრონებით შეტევის შემდეგ, დილის შვიდი საათისთვის, სარაკეტო დარტყმა იყო სატრანსპორტო ინფრასტრუქტურის ობიექტზე. დაშავდა ერთი ადამიანი. კონკრეტულად რომელ ობიექტზე, ადგილობრივი ხელისუფლება ჯერჯერობით არ ასახელებს.
სიახლეები
- “მზია ამაღლობელი გაუტეხელი, ძლიერი ადამიანის სიმბოლოა, მასთან რეჟიმი მთავარში - ღირსების ბრძოლაში დამარცხდა” - გიორგი გახარია
- „თავისუფლება რეჟიმის ტყვეებს” - ამ ლოზუნგით, გამოცემა „ბათუმელების“ ოფისთან აქცია მიმდინარეობს
- “ეს არის დასჯის დემონსტრაციული აქტი - აბსოლუტურად უინტერესოა, 4 წელი იქნებოდა თუ 2 წელი - განაჩენს სამართალთან საერთო არაფერი აქვს” - მაია მწარიაშვილი
- მზია ამაღლობელს 2 წლით პატიმრობა მიესაჯა
- „ლელო - ძლიერი საქართველო“ აცხადებს, რომ მათი ოფიციალური საბანკო ანგარიში დაყადაღებულია
