ალექსეი ნავალნის გარდაცვალების გამო, ევროკავშირი სანქციების დაწესებას განიხილავს
რუსი ოპოზიციონერის, ალექსეი ნავალნის გარდაცვალების გამო ევროკავშირი სანქციების დაწესებას განიხილავს. აღნიშნულის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჯოზეფ ბორელმა ბრიუსელში საგარეო საქმეთა მინისტერიალის დაწყებამდე მედიასთან განაცხადა.
ჯოზეფ ბორელის თქმით, მინისტერიალს დაესწრება ალექსეი ნავალნის მეუღლე, იულია ნავალნაია.
„წევრი სახელმწიფოები აუცილებლად წარადგენენ სანქციებს პასუხისმგებელი პირების წინააღმდეგ. რა თქმა უნდა, მთავარი პასუხისმგებლობა თავად პუტინს ეკისრება. ჩვენ შეგვიძლია რუსეთის სასჯელაღსრულების სისტემის ინსტიტუციურ სტრუქტურას ჩავუყვეთ, თუმცა არ დაგავიწყდეთ, სინამდვილეში, ვინ არის პასუხისმგებელი ნავალნის სიკვდილზე“, – განაცხადა ბორელმა.
შეგახსენებთ, რუსი ოპოზიციონერის ალექსეი ნავალნის გარდაცვალების შესახებ რუსეთის სასჯელაღსრულების სამსახურმა 16 თებერვალს გაავრცელა ინფორმაცია.
სიახლეები
- "წამართვეს სასამართლოში ელემენტარული საპროცესო უფლებებიც კი - შემიზღუდეს არათუ სამართლიანი სასამართლოს უფლება, არამედ ფეხქვეშ გათელეს ადამიანის ფუნდამენტური უფლებები"
- ანექსიის პოლიტიკის გაგრძელება - რუსებმა აფხაზეთსა და ცხინვალის რეგიონში მცხოვრებლებს მოქალაქეობის მიღება გაუმარტივეს
- “ჩვენ არ ვართ რევოლუციონერები”, - გახარია თვითმართველობის არჩევნებში მონაწილეობას ადასტურებს, ვინ იქნება შემდეგი
- "საქართველოში 2024 წელს დაფიქსირდა მაღალი ეკონომიკური ზრდა, 9.4 პროცენტი, 2025-2026 წლებში მოსალოდნელია ზრდის შენელება" - ევროკომისიის ანგარიში
- უცხოური ვალუტის ოფიციალური კურსი 20 მაისისთვის
