კახოვკას ჰესის ნგრევის შემდეგ, დნეპრმა შესაძლოა, შავ ზღვაში ნაღმები ჩაიტანა
უკრაინაში გაეროს განაღმვის პროგრამის ხელმძღვანელის პოლ ჰესლოპის განცხადებით, ხერსონის ოლქში კახოვკას ჰესის კაშხლის ნგრევის შემდეგ, მდინარე დნეპრის დინებას შესაძლოა, შავ ზღვაში ნაღმები ჩაეტანა. ამის შესახებ, „რადიო თავისუფლების“ ცნობით, პოლ ჰესლოპმა ჟენევაში გამართულ პრესკონფერენციაზე განაცხადა.
როგორც გაეროს ექსპერტი აღნიშნავს, საფრთხეს წარმოადგენს საბჭოთა წარმოების მსუბუქი ქვეითსაწინააღმდეგო ნაღმები სახელად „პეპელა“, რომლებიც სიმსუბუქის გამო, წყალმა შესაძლოა დიდ მანძილზე წაიღოს განსხვავებით მძიმე ტანკსაწინააღმდეგო ნაღმებისგან.
მისი თქმით, არ არის გამორიცხული, უახლოეს თვეებში ქვეითსაწინააღმდეგო ნაღმები შავი ზღვის სანაპიროზე აღმოჩნდეს.
შეგახსენებთ, უკრაინის შეიარაღებული ძალების სამხრეთის ოპერატიული სარდლობისა და ხერსონის საოლქო სამხედრო ადმინისტრაციის ინფორმაციით, რუსეთის საოკუპაციო ძალებმა კახოვსკას ჰიდროელექტროსადგურის კაშხალი ააფეთქეს. უკრაინული მხარის ცნობით, ხერსონისა და ნიკოლაევის ოლქებში 5 ადამიანი დაიღუპა. გარდა ამისა, დაკარგულად ითვლება კიდევ 13 ადამიანი.
სიახლეები
- პარლამენტმა „შეკრებებისა და მანიფესტაციების შესახებ“ კანონში ცვლილებები მესამე მოსმენით მიიღო
- "არ შეიძლება, ჩვენ ვინმეზე ან რამეზე დამოკიდებული ვიყოთ, ეს არის ჩვენი მთავარი მოტივაცია" - მიხეილ ყაველაშვილი
- უცხოური ვალუტის ოფიციალური კურსი 11 დეკემბრისთვის
- "ყველა კრიტერიუმით საქართველო პირველ ადგილზეა, რასაც ევროკომისიის ობიექტური კვლევა აჩვენებს, მაგრამ ფოტიგები, კუბილიუსები, „რაისა - კომუნისტკები“ საქართველოს ამუნათებენ, რატომ?"
- "ისე როგორ მოხდა, რომ ძირითადად „ჯენზის“ მოწამვლის გასაპროტესტებლად, „ჯენზი“ თითქმის არ მივიდა" - მიხეილ სააკაშვილი
