"კრასნოდარის მხარეში, დრონით დარტყმის გამო, ნავთობპროდუქტების რეზერვუარს ცეცხლი გაუჩნდა" - TASS
რუსეთის ფედერაციის კრანოდარის მხარეში ილსკის ნავთობგადამამუშავებელ ქარხანაში რეზერვუარს ცეცხლი გაუჩნდა. რუსული პროპაგანდისტული გამოცემა TASS წერს, რომ მიზეზი დრონით დარტყმა იყო.
"უცნობი დრონის თავდასხმის გამო, ილსკის ნავთობგადამამუშავებელი ქარხნის ავზი იწვის ურბანული ტიპის დასახლებაში ილსკის სევერსკის რაიონში", - ამბობს "ტასის" წყარო.
კრასნოდარის ტერიტორიის გუბერნატორმა თქვა, რომ წინასწარი ინფორმაციით ხანძარს მსხვერპლი არ მოჰყოლია.
"წინასწარი ინფორმაციით, მსხვერპლი არ არის. სოფლის მოსახლეობას არაფერი ემუქრება", - წერს გუბერნატორი ტელეგრამის არხზე.
ცნობისთვის, 3 მაისის ღამეს, კრასნოდარის სოფელ ვოლნაში (ტამანი), ყირიმის ხიდთან ახლოს, ნავთობპროდუქტების რეზერვუარს ცეცხლი გაუჩნდა.
სიახლეები
- სახელმწიფო დეპარტამენტის ანგარიშში 2024 წელს ევროპაში ადამიანის უფლებათა გაუარესებულ მდგომარეობაზეა საუბარი
- უცხოური ვალუტის ოფიციალური კურსი 14 აგვისტოსთვის
- “თუ “ქართული ოცნება” გაათავისუფლებს პატიმრებს და პოლიტიკურ კურსსაც შეცვლის, შეიძლება დარეგულირდეს პროცესები” - ვახტანგ ძაბირაძე
- 5 სცენარი ანუ როგორ შეიძლება დასრულდეს რუსეთ-უკრაინის ომი - კოშმარი უკრაინისა და ევროპისთვის თუ - ავღანეთის აჩრდილი რუსეთისთვის?!
- უცხოური ვალუტის ოფიციალური კურსი 12 აგვისტოსთვის
