კიევში აფეთქებების ხმა ისმის - უკრაინული მედია
რუსეთის არმია უკრაინის ქალაქების წინააღმდეგ მასშტაბურ სარაკეტო იერიშებს ახორციელებს, კიევში აფეთქებების ხმა ისმის, – ამის შესახებ ინფორმაციას უკრაინული მედია ავრცელებს.
მათივე ცნობით, კიევის, ვინიცის, დნეპროპეტროვსკის, ოდესის, ჟიტომირის ოლქებში საჰაერო თავდაცვის სისტემა მუშაობს. ქალაქ ოდესაში რამდენიმე აფეთქება მოხდა. ქალაქში ორი ელექტროსადგური დაზიანდა.
ვრცელდება ინფორმაცია, რომ რუსი სამხედროების ნასროლი რაკეტები ლვოვის ოლქის მიმართულებით მიფრინავს.
უკრაინის შეიარაღებული ძალების საჰაერო ძალების პრესმდივანი იური იგნატი აცხადებს, რომ რუსეთი ყველაზე მეტ ყურადღებას უთმობს უკრაინის ცენტრალურ ნაწილს.
ვრცელდება ინფორმაცია, რომ რუსებმა კიევის მიმართულებით 15-ზე მეტი ფრთოსანი რაკეტა ისროლეს.
დედაქალაქში მომხდარი აფეთქებების შესახებ ინფორმაციას კიევის მერი ვიტალი კლიჩკოც ადასტურებს.
„აფეთქება კიევში! დარჩით თავშესაფრებში!" - წერს კლიჩკო სოციალურ ქსელში.
სიახლეები
- პარლამენტმა „შეკრებებისა და მანიფესტაციების შესახებ“ კანონში ცვლილებები მესამე მოსმენით მიიღო
- "არ შეიძლება, ჩვენ ვინმეზე ან რამეზე დამოკიდებული ვიყოთ, ეს არის ჩვენი მთავარი მოტივაცია" - მიხეილ ყაველაშვილი
- უცხოური ვალუტის ოფიციალური კურსი 11 დეკემბრისთვის
- "ყველა კრიტერიუმით საქართველო პირველ ადგილზეა, რასაც ევროკომისიის ობიექტური კვლევა აჩვენებს, მაგრამ ფოტიგები, კუბილიუსები, „რაისა - კომუნისტკები“ საქართველოს ამუნათებენ, რატომ?"
- "ისე როგორ მოხდა, რომ ძირითადად „ჯენზის“ მოწამვლის გასაპროტესტებლად, „ჯენზი“ თითქმის არ მივიდა" - მიხეილ სააკაშვილი
