ორგანიზაციის ანგარიშით, 1 დეკემბრიდან დაღუპულთა საერთო რაოდენობამ 100 000-ს მიაღწია, ხოლო სულ ინფიცირებულია 18.6 მილიონი ადამიანი. გამოცემა აღნიშნავს, რომ ჩინეთის ხელისუფლება დღეში ინფიცირების მხოლოდ რამდენიმე ათას შემთხვევას აფიქსირებს, ხოლო 7 დეკემბრიდან, ოფიციალური ცნობებით, COVID-19-ის შედეგად მხოლოდ 10 ადამიანი დაიღუპა.

Airfinity-ი ვარაუდობს, რომ სიკვდილიანობა ჩინეთში პიკს მიაღწევს 23 იანვარს, როდესაც დაღუპულთა რიცხვი დღეში დაახლოებით 25 ათასი იქნება, ხოლო საერთო რაოდენობა მომავალი წლის პირველ თვეში 500 ათასს გადააჭარბებს.

როგორც Bloomberg-ი აღნიშნავს, კორონავირუსის ახალი შემთხვევების მკვეთრი ზრდა შეიძლება, გამოწვეული იყოს იმით, რომ ჩინეთის ხელისუფლებამ შეამსუბუქა covid-19-ის ნულოვანი ტოლერანტობის პოლიტიკის ფარგლებში დაწესებული შეზღუდვები. ამან განაპირობა "ომიკრონის" ტიპის ვირუსის გავრცელება ბუნებრივი იმუნიტეტის დაბალი დონის მქონე მოსახლეობაში. აღნიშნულია, რომ პეკინისა და სიჩუანის პროვინციების მცხოვრებლების ნახევარზე მეტი ინფიცირებულია კორონავირუსული ინფექციით.