მთვარეზე გაგზავნილ აპარატში, რომელიც დაახლოებით 1 ტონას იწონის, მოთავსებულია მთვარემავალი Rashid-ი, რომელიც არაბეთის გაერთიანებულ საამიროებში შეიქმნა. მისი მასა მხოლოდ 10კგ არის, მაგრამ მას მოეპოვება ორი კამერა, მიკროსკოპი და ტელევიზორი. აპარატმა კოსმოსში წაიღო იაპონური მთვარემავალიც, რომელიც მინიატიურული ზომებისაა. ე.წ. მთვარის რობოტი-ტრანსფორმერი მხოლოდ 250 გრამს იწონის, მაგრამ ასევე შესწევს უნარი, გადაადგილდეს მთვარის ზედაპირზე და დედამიწაზე ფოტოსურათები გამოგზავნოს.

მთვარისკენ HAKUTO-R-ის მოგზაურობა ხუთ თვეს გასტანს. საწვავის მინიმალურად დახარჯვისა და სახსრების ეკონომიის მიზნით, აირჩიეს ფრენის გრძელი ტრაექტორია. შედარებისთვის - ახლახან კოსმოსში გაშვებულმა ამერიკულმა კოსმოსურმა ხომალდმა Orion-მა მთვარის ორბიტას სტარტის შემდეგ ხუთ დღე-ღამეში მიაღწია.

როგორც მოელიან, იაპონური მოდელი აპრილში დაჯდება მთვარეზე. ამის შემდეგ 10 დღის განმავლობაში მთვარემავლები დედამიწაზე გამოგზავნიან მთვარის ზედაპირის ფოტოსურათებს და გამოკვლევებს ჩაატარებენ.

მისიის წარმატების შემთხვევაში HAKUTO-R-ი იქნება მთვარის პირველი მოდული, რომელიც რბილად დაჯდება მთვარეზე და, ამასთან, მთლიანად კერძო სახსრებით არის შექმნილი.

2019 წელს მთვარეზე გაიგზავნა ისრაელის კერძო აპარატი Beresheet-ი. მან მიაღწია დედამიწის ბუნებრივი თანამგზავრის ზედაპირს, მაგრამ დაჯდომისას დაიმსხვრა.