ფინეთის საგარეო უწყების ხელმძღვანელის თქმით, ბირთვულ ძალას ყოველთვის არ აქვს ბოლო სიტყვა კონფლიქტში. პეკა ჰაავისტოს თქმით, ის, რაც უკრაინის ფრონტზე ხდება, მეორე მსოფლიო ომს ან ზოგჯერ პირველ მსოფლიო ომსაც ჰგავს.

„ჩვენ არ გამოვრიცხავთ ბირთვულ ომსაც. კაცობრიობის ერთ-ერთი მნიშვნელოვანი ამოცანაა, ცდილობდეს, თავიდან აიცილოს ბირთვული ესკალაცია, რადგან ბირთვულ ომში გამარჯვებული არ იქნება. დასაწყისში, სრულმასშტაბიანი შემოჭრის შემდეგ, რუსეთი ძალზე თავისუფლად და დაუდევრად იყენებდა ბირთვულ რიტორიკას. ასევე, ხანდახან ახსენებდნენ ქიმიურ იარაღს, ანუ საუბარი იყო არაკონვენციური იარაღის ფართო გაგებით გამოყენებაზე. ეს იყო ერთ-ერთი მიზეზი, რის გამოც ფინეთმა გადაწყვიტა, გადაეფასებინა თავისი უსაფრთხოების რისკები, რამაც საბოლოოდ გამოიწვია ჩვენი პოლიტიკის ცვლილება. ფაქტია, რომ ჩვენ მზად ვართ მრავალი ტრადიციული სამხედრო საფრთხისთვის. გვყავს ძლიერი ჯარი, რეზერვისტების დიდი რაოდენობა, 300 ათასი, მაგრამ თუ ჩვენ გვემუქრებიან არატრადიციული იარაღით, მაშინ ასეთი საფრთხეების დასაძლევად საჭიროა, ვიმოქმედოთ სხვა ერებთან ერთად. ამ შეფასების შედეგად, ბუნებრივია, გადავწყვიტეთ ნატო-ში გაწევრიანება“, – განაცხადა ფინეთის საგარეო საქმეთა მინისტრმა.