აშშ-ის რამდენიმე აეროპორტის საიტებზე კიბერშეტევა განხორციელდა
ამერიკის შეერთებული შტატების რამდენიმე აეროპორტის ოფიციალურ საიტებზე კიბერთავდასხმა იყო. ტელეკომპანიების, CNN-ის და ABC-ს ცნობით, 10 ოქტომბერს მომხდარ კიბერშეტევას გავლენა არ მოუხდენია საჰაერო მიმოსვლის კონტროლის და უსაფრთხოების სისტემაზე.
გარკვეული დროით, სრულად ან ნაწილობრივ გაითიშა აეროპორტების საიტები და მიუწვდომელი იყო ინფორმაცია თვითმფრინავების ჩამოსვლის და გაფრენის შესახებ.
კიბერშეტევის სამიზნეებს შორის იყვნენ ნიუ-იორკის აეროპორტი La Guardia და ლოს-ანჯელესის, ჩიკაგოს და ატლანტის აეროპორტები.
ტელეკომპანია CNN-ის ინფორმაციით, კიბერთავდასხმაზე პასუხისმგებლობა აიღო რუსი ჰაკერების ჯგუფმა Killnet-მა. ეს ჯგუფი უკრაინაში რუსეთის შეჭრის შემდეგ გამოჩნდა და მიზნად გამოაცხადა კიბერშეტევები უკრაინის მოკავშირე ქვეყნების კომპიუტერულ სისტემებზე.
სიახლეები
- 18 მაისს, მუზეუმების საერთაშორისო დღესთან დაკავშირებით, ეროვნული მუზეუმის გაერთიანებაში შემავალ ყველა მუზეუმში შესვლა უფასო იქნება
- სტამბოლში ორი მიწისძვრა მოხდა
- პრემიერ-მინისტრი ირაკლი კობახიძე ევროპული საბჭოს პრეზიდენტის, ანტონიო კოშტას მიწვევით, ევროპული პოლიტიკური გაერთიანების სამიტში მონაწილეობს
- სტამბოლში რუსეთისა და უკრაინის დელეგაციებს შორის შეხვედრა მიმდინარეობს
- ,,ის, რომ ევროკავშირი დიდია და ჩვენ იქ გაწევრიანება გვსურს, არავის აძლევს უფლებას, აგვიკრძალოს, გავაკრიტიკოთ ის, რაც კრიტიკას იმსახურებს"- შალვა პაპუაშვილი
