ფლორიდას ქარიშხალი „იანი“ დაატყდა თავს
ფლორიდის სანაპიროს ქარიშხალი „იანი“ დაატყდა თავს. ქარის სიჩქარე საათში 150 კმ-ს შეადგენს. შედეგად, ორ მილიონამდე აბონენტი ელექტროენერგიის გარეშე დარჩა.
ფლორიდის გუბერნატორის, რონ დესანტის თქმით, სტიქია უკვე აყენებს სერიოზულ ზიანს შტატის ინფრასტრუქტურას, მაქსიმუმს აღწევს წყლის დონე, ნეიფლსისა და ფორტ მეიერსის დასახლებები კი დაიტბორა. გაუქმებულია 2000-მდე ავიარეისი.
ამჟამად, „იანი“ ჩრდილოეთით გადაადგილდება. შაბათისთვის ის უკვე ჯორჯიის შტატს, კვირას კი – სამხრეთ კაროლინას მიაღწევს. მანამდე, ქარიშხალმა „იანიმ“ კუბას გადაუარა, სადაც სტიქიას ორი ადამიანი ემსხვერპლა და ელექტროსადენების დაზიანების გამო, მილიონობით ადამიანი ელექტროენერგიის გარეშე დარჩა.
სიახლეები
- თბილისში არასრულწლოვანი დაჭრეს
- ,,დეცენტრალიზაცია არის ერთ-ერთი მნიშვნელოვანი მიმართულება, რაც ვფიქრობ, რეგიონების განვითარებას უფრო მეტად შეუწყობს ხელს"- დიმიტრი ხუნდაძე
- ტრამპი აცხადებს, რომ მან თავიდან აიცილა ბირთვული ომების გაჩაღება მთელ მსოფლიოში
- შსს-ს გენერალურმა ინსპექციამ სამსახურებრივი უფლებამოსილების ბოროტად გამოყენების ბრალდებით დაცვის პოლიციის თანამშრომელი დააკავა
- იმერეთში ყველის არალეგალური საწარმოები გამოავლინეს
