სახელმწიფო მდივანი ბლინკენი სომხეთსა და აზერბაიჯანს ცეცხლის შეწყვეტისკენ მოუწოდებს
ამერიკის შეერთებული შტატების სახელმწიფო მდივანი ენტონი ბლინკენი აცხადებს, რომ სომხეთ-აზერბაიჯანის კონფლიქტი სამხედრო გზით ვერ გადაწყდება. ბლინკენის ოფიციალური განცხადება სახელმწიფო დეპარტამენტის ვებსაიტზე გამოქვეყნდა.
სახელმწიფო მდივნის თანახმად, აშშ ღრმად შეშფოთებულია ცნობებით, სომხეთ-აზერბაიჯანის საზღვრის გასწვრივ, მათ შორის, სომხეთის ტერიტორიაზე დასახლებულ პუნქტებსა და სამოქალაქო ინფრასტრუქტურაზე თავდასხმების შესახებ. აშშ მხარეებს მოუწოდებს, დაუყოვნებლივ შეწყვიტონ ნებისმიერი საბრძოლო მოქმედება.
სომხეთის პრემიერ-მინისტრის პრესსამსახურის ინფორმაციით, "აზერბაიჯანის აგრესიის" გამო, წუხელ ნიკოლ ფაშინიანი ენტონი ბლინკენს ტელეფონით ესაუბრა.
აზერბაიჯანის საგარეო საქმეთა სამინისტროს ცნობით, "სომხეთის ფართომასშტაბიანი პროვოკაციის" გამო, სატელეფონო საუბარი შედგა მინისტრ ჯეიჰუნ ბაირამოვსა და ევროპის და ევრაზიის საკითხებში აშშ-ის სახელმწიფო მდივნის თანაშემწე კარენ დონფირდს შორის.
სიახლეები
- 18 მაისს, მუზეუმების საერთაშორისო დღესთან დაკავშირებით, ეროვნული მუზეუმის გაერთიანებაში შემავალ ყველა მუზეუმში შესვლა უფასო იქნება
- სტამბოლში ორი მიწისძვრა მოხდა
- პრემიერ-მინისტრი ირაკლი კობახიძე ევროპული საბჭოს პრეზიდენტის, ანტონიო კოშტას მიწვევით, ევროპული პოლიტიკური გაერთიანების სამიტში მონაწილეობს
- სტამბოლში რუსეთისა და უკრაინის დელეგაციებს შორის შეხვედრა მიმდინარეობს
- ,,ის, რომ ევროკავშირი დიდია და ჩვენ იქ გაწევრიანება გვსურს, არავის აძლევს უფლებას, აგვიკრძალოს, გავაკრიტიკოთ ის, რაც კრიტიკას იმსახურებს"- შალვა პაპუაშვილი
