რუსეთის სასამართლომ Google-ი 361 მილიონი ევროთი დააჯარიმა
რუსეთის სასამართლომ Google-ი 21.1 მილიარდი რუბლით (361 მილიონ ევროზე მეტი) დააჯარიმა იმის გამო, რომ კომპანიამ უარი განაცხადა „აკრძალული“ მასალის წაშლაზე, - ინფორმაციას „ევრონიუსი“ ავრცელებს.
რუსეთის სახელმწიფო მარეგულირებელი კომპანიის, „როსკომნადზორის“ განცხადებით, ვიდეოს გაზიარების პლატფორმა YouTube „აკრძალულ“ ვიდეოებს არ შლის, მათ შორის ე.წ. „ყალბ ამბებს“ უკრაინის ომის შესახებ, რამაც გამოიწვია რუსი სამხედროების დისკრედიტაცია.
YouTube ასევე დაადანაშაულეს იმაში, რომ არ წაშალა ვიდეოები, რომელიც ხელს უწყობდა "ექსტრემიზმის" პროპაგანდას და ახალგაზრდებს მოუწოდებდა, მონაწილეობა მიეღოთ "არასანქცირებულ მასობრივ აქციებში".
„Google-სა და მის საინფორმაციო რესურსებს რეგულარულად ეკისრებათ ადმინისტრაციული პასუხისმგებლობა რუსეთის კანონმდებლობის დარღვევისთვის აკრძალული ინფორმაციის არ წაშლის გამო“, - ნათქვამია „როსკომნადზორის“ განცხადებაში.
სიახლეები
- თბილისში არასრულწლოვანი დაჭრეს
- ,,დეცენტრალიზაცია არის ერთ-ერთი მნიშვნელოვანი მიმართულება, რაც ვფიქრობ, რეგიონების განვითარებას უფრო მეტად შეუწყობს ხელს"- დიმიტრი ხუნდაძე
- ტრამპი აცხადებს, რომ მან თავიდან აიცილა ბირთვული ომების გაჩაღება მთელ მსოფლიოში
- შსს-ს გენერალურმა ინსპექციამ სამსახურებრივი უფლებამოსილების ბოროტად გამოყენების ბრალდებით დაცვის პოლიციის თანამშრომელი დააკავა
- იმერეთში ყველის არალეგალური საწარმოები გამოავლინეს
