აღნიშნული განცხადება უკრაინის პრეზისდენტმა ვოლოდიმირ ზელენსკიმ ნიდერლანდების პრემიერ-მინისტრთან მარკ რუტესთან სატელეფონო საუბრის შესახებ გააკეთა.

ზელენსკის განმარტებით, უკრაინის პარლამენტის წინაშე გამოსვლისას ნიდერლანდების მთავრობის მეთაურმა არაფერი თქვა უკრაინის ევროკავშირში წევრობაზე, რასაც მოჰყვა მათი სატელეფონო საუბარი.

უკრაინის პირველი პირის განმარტებით, სატელეფონო საუბარში მარკ რუტემ დაადასტურა, რომ უკრაინის ადგილი ევროკავშირში არის ,„მაგრამ საჭიროა კონკრეტული ნაბიჯების გავლა“.

როგორც ნიდერლანდების პრემიერმა ზელენსკისთან საუბარში აღნიშნა, ნიდერლანდების მოსახლეობა მხარს უჭერს უკრაინის ევროკავშირში გაწევრიანებას, პოლიტიკოსებმა კი მხარი უნდა დაუჭირონ მოსახლეობის სწრაფვას. თავის მხრივ, ზელენსკიმ აღნიშნა, რომ მას ესმის რეფორმების გატარების აუცილებლობა და მზად არის, რომ უკრაინამ კანდიდატი ქვეყნის სტატუსი მიიღოს. ზელენსკის თქმით, ეს მკაფიო სიგნალი იქნებოდა, რაც ქვეყანას რუსეთის წინააღმდეგ ბრძოლაში დაეხმარებოდა.