''რუსეთის ომი უკრაინაში არ მიდის ისე, როგორც მოსკოვმა დაგეგმა'' - იენს სტოლტენბერგი
უკრაინას შეუძლია მოიგოს ეს ომი - ამის შესახებ ნატოს გენერალურმა მდივანმა იენს სტოლტენბერგმა განაცხადა.
"რუსეთის ომი უკრაინაში არ მიდის ისე, როგორც მოსკოვმა დაგეგმა. მან ვერ აიღო კიევი. ისინი უკან იხევენ ხარკოვის გარშემო. მათი მთავარი შეტევა დონბასში შეჩერებულია. რუსეთი ვერ აღწევს თავის სტრატეგიულ მიზნებს", - აღნიშნა სტოლტენბერგმა.
ნატო-ს გენმდივნის თქმით, უკრაინელები მამაცურად იცავენ საკუთარ სამშობლოს, ამაში კი მათ მოკავშირეები ეხმარებიან, რომლებმაც ოფიციალურ კიევს მილიარდობით დოლარის ოდენობის დახმარება მიაწოდეს.
გარდა ამისა, სტოლტენბერგმა განაცხადა, რომ ნატო-ს კარი ღიაა შვედეთისა და ფინეთისთვის. ჩრდილო ევროპული ქვეყნების აღნიშნულ გადაწყვეტილებას მან "ისტორიული" უწოდა.
სიახლეები
- იმერეთში ყველის არალეგალური საწარმოები გამოავლინეს
- მებაჟე ოფიცრებმა ქუთაისის აეროპორტში არადეკლარირებული ოქროს საიუველირო ნაკეთობების შემოტანის ფაქტები აღკვეთეს
- მნიშვნელოვანი ინფორმაცია მძღოლებისთვის ჯარიმებთან დაკავშირებით
- სასაზღვრო პოლიციამ საქართველოს სახელმწიფო საზღვრის უკანონოდ გადაკვეთის ფაქტზე 2 პირი დააკავა
- ,,თუ უკრაინა პუტინს არ შეაჩერებს, ის ევროპაში შეიჭრება"- ვოლოდიმერ ზელენსკი
