"რაც უფრო მეტად გააჭიანურებს რუსეთი უკრაინისა და რუსეთის პრეზიდენტების შეხვედრას, მით უარესი თავად რუსეთისთვის და პრინციპში ამ ომისთვისაც"
რაც უფრო მეტად გააჭიანურებს რუსეთი უკრაინისა და რუსეთის პრეზიდენტების შეხვედრას, მით უარესი თავად რუსეთისთვის და პრინციპში ამ ომისთვისაც, – ეს უკრაინის პრეზიდენტის, ვოლოდიმირ ზელენსკის განცხადებაა, რომელიც მან ბუჩაში ჟურნალისტებთან საუბრის დროს გააკეთა.
ზელენსკის განცხადებით, რუსეთი უნდა დაფიქრდეს.
„ყოველდღე, როცა ჩვენი ჯარები ტერიტორიების დეოკუპაციას ახდენენ ხედავთ, რაც ხდება. ძალიან რთულია საუბარი, როცა ხედავ რა ჩაიდინეს აქ. ყოველდღიურად პოულობენ ხალხს სარდაფებში გაგუდულს და ნაწამებს. ამიტომ, თუ აზროვნება შეუძლიათ, დროულად დაფიქრდნენ“, – განაცხადა ვოლოდიმირ ზელენსკიმ.
უკრაინის პრეზიდენტი დღეს ქალაქ ბუჩაში ჩავიდა, რომელიც გუშინ რუსი სამხედროებისგან გათავისუფლდა.
ბუჩაში უკრაინელ სამხედროებს შემზარავი სურათი დახვდათ, მოკლული და ნაწამებია ასობით ადამიანი.
სიახლეები
- ცესკოს თავმჯდომარემ საერთაშორისო ორგანიზაციებისა და დიპლომატიური კორპუსის წარმომადგენლებს მიმდინარე საარჩევნო საკითხები გააცნო
- საარჩევნო ადმინისტრაციამ ახალი პროექტი „საარჩევნო მედია სკოლა“ დაიწყო
- ქვეყნის მასშტაბით 207 საარჩევნო უბანზე იმიტირებული კენჭისყრა ჩატარდა
- საარჩევნო ადმინისტრაციის მორიგი სამუშაო შეხვედრა მედიის წარმომადგენლებთან
- აფხაზეთიდან დევნილებს ქუთაისში უფასო სამედიცინო გამოკვლევები ჩაუტარდათ
