მარიუპოლის თეატრის დაბომბვის შედეგად 300-მდე ადამიანი დაიღუპა
მარიუპოლის თეატრის დაბომბვის შედეგად გარდაცვლილთა თაობაზე განახლებული ინფორმაცია ვრცელდება.
კერძოდ, როგორც BBC-ი იუწყება, უკრაინის ოფიციალური პირების თქმით, დაბომბვის შედეგად, შესაძლოა, 300-მდე ადამიანი იყოს დაღუპული მარიუპოლის თეატრში, რომელიც ასობით ადამიანის თავშესაფარი იყო.
„თვითმხილველებისგან ვრცელდება ინფორმაცია, რომ მარიუპოლის დრამატულ თეატრში, რუსული თვითმფრინავისგან დარტყმის შედეგად, 300-მდე ადამიანი დაიღუპა“, - ნათქვამია მარიუპოლის საკრებულოს მიერ სოციალურ ქსელში გავრცელებულ განცხადებაში.
შეგახსენებთ, რომ მარიუპოლის თეატრი 16 მარტს დაბომბეს. თეატრს თავს ასობით ადამიანი აფარებდა, რომელთა უმეტესობა ბავშვები და ქალები იყო.
სიახლეები
- ცესკოს თავმჯდომარემ საერთაშორისო ორგანიზაციებისა და დიპლომატიური კორპუსის წარმომადგენლებს მიმდინარე საარჩევნო საკითხები გააცნო
- საარჩევნო ადმინისტრაციამ ახალი პროექტი „საარჩევნო მედია სკოლა“ დაიწყო
- ქვეყნის მასშტაბით 207 საარჩევნო უბანზე იმიტირებული კენჭისყრა ჩატარდა
- საარჩევნო ადმინისტრაციის მორიგი სამუშაო შეხვედრა მედიის წარმომადგენლებთან
- აფხაზეთიდან დევნილებს ქუთაისში უფასო სამედიცინო გამოკვლევები ჩაუტარდათ
