„რუსეთის ფედერაციის მხრიდან ესკალაციის დასაწყისიდანვე უკრაინის ხელმძღვანელობა, უკრაინული დიპლომატია და არმია ყველა ღონეს ხმარობს, რათა შეინარჩუნოს უკრაინის სტაბილურობა და ქვეყანა მზად იყოს სხვადასხვა სცენარისთვის და ნებისმიერი აგრესიული ზრახვებისთვის. ახლა კრიტიკულად მნიშვნელოვანია სიმშვიდის შენარჩუნება, ქვეყნის შიგნით ერთიანობა და ყველა ისეთი ქმედებებისგან თავის შეკავება, რაც ძირს უთხრის სტაბილურობას და თესავს პანიკას. უკრაინის შეიარაღებული ძალები მუდმივად აკვირდება მოვლენებს და მზად არის მოიგერიოს უკრაინის ტერიტორიულ მთლიანობისა და სუვერენიტეტის წინააღმდეგ განხორციელებული ნებისმიერი თავდასხმა,“- ნათქვამია უწყების მიერ გავრცელებულ განცხადებაში.

საგარეო საქმეთა სამინისტროში აცხადებენ, რომ უკრაინული დიპლომატია კავშირშია ყველა ძირითად პარტნიორთან და ოპერატიულად იღებს უსაფრთხოებასთან დაკავშირებულ აუცილებელ ინფორმაციას, რაც უკრაინას დროული ქმედებების საშუალებას აძლევს.

„ვაგრძელებთ მუშაობას დაძაბულობის შესამცირებლად და საერთაშორისო პარტნიორების მხარდაჭერის მობილიზაციისთვის, იმისთვის, რომ რუსეთი დიპლომატიური დიალოგის ფარგლებში შევაკავოთ,“- აღნიშნულია განცხადებაში.