რუსეთი ევროპისთვის ბუნებრივი აირის მიწოდების შეწყვეტას არ აპირებს - კრემლი
რუსეთი არ ცვლის გეგმებს ევროპისთვის ბუნებრივი აირის მიწოდების საკითხთან დაკავშირებით, - ამის შესახებ ინფორმაციას რუსული მედია კრემლის პრესსპიკერის დიმიტრი პესკოვის განცხადებაზე დაყრდნობით ავრცელებს.
კითხვაზე, აპირებს თუ არა მოსკოვი აირის მიწოდების გაზრდას ევროპისათვის რვა ნოემბრის შემდეგ, პესკოვი აღნიშნავს, რომ რუსეთი ყველა ვალდებულებას ასრულებს აირის მიწოდებასთან დაკავშირებით.
„ზუსტად ასრულებს და იმაზე მეტსაც, ვიდრე ეს ვალდებულებებით აქვს ნაკისრი. ამ მხრივ, რუსეთის პრეზიდენტის ტენდენცია, რა თქმა უნდა, ძალაში რჩება“, - განაცხადა პესკოვმა.
ოქტომბერში პუტინმა „გაზპრომს“ ევროპაში არსებული ობიექტების საცავებში აირის მიწოდების გაზრდა დაავალა. რუსეთის პრეზიდენტის თქმით, ეს უზრუნველყოფს „გაზპრომის“ შესაძლებლობას შეასრულოს სახელშეკრულებო ვალდებულებები და შექმნას უფრო ხელსაყრელი ვითარება ზოგადად ევროკავშირის ენერგეტიკულ ბაზარზე.
სიახლეები
- "ნინო დათაშვილის ფსიქიატრიული ექსპერტიზა დაინიშნა იმის გამო, რომ მისმა ადვოკატმა წარადგინა დოკუმენტები მის ფსიქოლოგიურ არამდგრადობასთან დაკავშირებით" - პროკურატურა
- "ხაზარაძე-ჯაფარიძის კონსორციუმმა ვერ შეძლო ინვესტორის მოზიდვა, შემდეგ იკადრეს და სცადეს, ბიუჯეტიდან წაეღოთ ხალხის ფული სრულიად უსამართლოდ, თუმცა, არბიტრაჟმა მიიღო სამართლებრივი გადაწყვეტილება"
- "ეს ადამიანები უწყვეტად საუბრობენ მშვიდობიან რევოლუციაზე, ხან არამშვიდობიან რევოლუციაზე, დამხობაზე, მშვიდობიანი დამხობა ერთგვარი ოქსიმორონია"
- შსს-ს გენერალურმა ინსპექციამ ნარკოდანაშაულისთვის სამი პირი, მათ შორის დაცვის პოლიციის თანამშრომელი დააკავა
- როგორი ამინდია მოსალოდნელი დღეს საქართველოში
