ახალი სამუშაო ჯგუფი, შესაძლოა, ბოლო შანსი იყოს ვირუსის წარმოშობის დასადგენად - ჯანმო
ჯანდაცვის მსოფლიო ორგანიზაცია (WHO) აცხადებს, რომ ახალი სამუშაო ჯგუფი შეიძლება იყოს ბოლო შანსი კოვიდ 19- ის წარმოშობის დასადგენად.
„ეს არის ჩვენი საუკეთესო შანსი და შესაძლოა, ჩვენი უკანასკნელი შანსიც იყოს, დავადგინოთ ამ ვირუსის წარმოშობა,“- განაცხადა ჯანმო-ს საგანგებო სიტუაციების პროგრამის ხელმძღვანელმა მაიკ რაინმა.
ჯანდაცვის მსოფლიო ორგანიზაციამ კორონავირუსის წარმოშობის შესასწავლად ახალი სამუშაო ჯგუფი - სამეცნიერო მრჩეველთა ჯგუფი ახალი პათოგენების წარმოშობის შესახებ (SAGO) - შექმნა, რომელიც 26 ექსპერტისგან შედგება.
ჯგუფი გამოიკვლევს, გადავიდა თუ არა ვირუსი ცხოველებიდან ადამიანებზე ვუჰანის ბაზრებზე თუ მან ლაბორატორიულ ინციდენტის შედეგად გაჟონა. ჩინეთი მეორე ვერსიას კატეგორიულად უარყოფს.
ჯანდაცვის მსოფლიო ორგანიზაციის ექსპერტების ჯგუფი, რომელსაც კორონავირუსის წარმოშობის გამოკვლევა ჰქონდა დავალებული, მიმდინარე წლის თებერვალში ჩინეთში ჩავიდა და გარკვეული დროის შემდეგ განაცხადა, რომ ვირუსი, სავარაუდოდ, ღამურებიდან გაჩნდა, თუმცა ამ საკითხზე მეტი მუშაობა იყო საჭირო.
სიახლეები
- "ნინო დათაშვილის ფსიქიატრიული ექსპერტიზა დაინიშნა იმის გამო, რომ მისმა ადვოკატმა წარადგინა დოკუმენტები მის ფსიქოლოგიურ არამდგრადობასთან დაკავშირებით" - პროკურატურა
- "ხაზარაძე-ჯაფარიძის კონსორციუმმა ვერ შეძლო ინვესტორის მოზიდვა, შემდეგ იკადრეს და სცადეს, ბიუჯეტიდან წაეღოთ ხალხის ფული სრულიად უსამართლოდ, თუმცა, არბიტრაჟმა მიიღო სამართლებრივი გადაწყვეტილება"
- "ეს ადამიანები უწყვეტად საუბრობენ მშვიდობიან რევოლუციაზე, ხან არამშვიდობიან რევოლუციაზე, დამხობაზე, მშვიდობიანი დამხობა ერთგვარი ოქსიმორონია"
- შსს-ს გენერალურმა ინსპექციამ ნარკოდანაშაულისთვის სამი პირი, მათ შორის დაცვის პოლიციის თანამშრომელი დააკავა
- როგორი ამინდია მოსალოდნელი დღეს საქართველოში
