კონგოში ვულკანი ნიირაგონგო ამოიფრქვა - ვიდეო
კონგოს დემოკრატიულ რესპუბლიკაში ვულკან ნიირაგონგოს ამოფრქვევის გამო, ქალაქ გომას ევაკუაცია მიმდინარეობს. ინფორმაციას სააგენტო „როიტერი“ ავრცელებს. ვულკანიდან ამოფრქვეულმა ლავამ ქალაქ გომას აეროპორტამდე მიაღწია.
ვულკანოლოგის, დარიო ტედესკოს განცხადებით, ვულკანზე ახალი ნაპრალი გაჩნდა, რამაც ლავის სამხრეთით, ქალაქ გომას მიმართულებით დაძვრა გამოიწვია.
„როიტერის“ რეპორტიორების ინფორმაციით, ქალაქის დიდ ნაწილში ელექტროენერგია გაითიშა, ხოლო სატელეფონო ხაზები გადატვირთულია.
კონგოს რესპუბლიკის მთავრობამ ორ მილიონიანი ქალაქის ევაკუაციის გეგმა აამოქმედა. ამჟამად, მიმდინარეობს მსჯელობა გადაუდებელი ზომების მიღების თაობაზე.
ვულკანი ნიირაგონგო ბოლოს 2002 წელს ამოიფრქვა და 250 ადამიანის სიცოცხლე იმსხვერპლა, 120 ათასი ადამიანი კი, უსახლკაროდ დარჩა.
სიახლეები
- "გაისად, 1700 წელი სრულდება ქრისტიანობის სახელმწიფო რელიგიად გამოცხადებიდან - განსაკუთრებით ვემზადებით აღსანიშნად" - მეუფე შიო
- მაკიაჟი ზაფხულისთვის: როგორ გამოიყურებოდეთ შეუდარებლად სანაპიროზე?
- "რეჟიმი თქვენ წინაშე გაშიშვლდა" - სალომე ზურაბიშვილი მზია ამაღლობელს და ნინო დათაშვილს
- "ლელო" თაღლითების პარტიაა, „თაღლითების პარტიის" წევრობა და მხარდაჭერა კი თაღლითობაში თანამონაწილეობაა" - შალვა პაპუაშვილი
- "ნინო დათაშვილის ფსიქიატრიული ექსპერტიზა დაინიშნა იმის გამო, რომ მისმა ადვოკატმა წარადგინა დოკუმენტები მის ფსიქოლოგიურ არამდგრადობასთან დაკავშირებით" - პროკურატურა
