დოკუმენტებში საუბარია ატომურ ელექტროსადგურზე დაფიქსირებული რამდენიმე გამოფრქვევის შესახებ, რომელიც 1986 წლის ავარიას წინ უსწრებდა. რადიოაქტიური ნივთიერებების პირველი გამოფრქვევა 1982 წლით არის დათარიღებული.

"თუმცა "კა-გე-ბეს" დოკუმენტი სრულდება ჩვეული "მიღებულია ზომების პანიკის და პროვოკაციული ხმების აღსაკვეთად", - აღნიშნულია უკრაინის უსაფრთხოების სამსახურის ინფორმაციაში.

გარდა ამისა, ავარიული სიტუაციები მესამე და მეოთხე ენერგო ბლოკზე ჯერ კიდევ 1984 წელს ხდებოდა.

დოკუმენტებში ასევე საუბარია, რომ ჯერ კიდევ 1983 წელს "კა-გე-ბემ" იცოდა, რომ ჩერნობილის ატომურ ელექტროსადგურზე უსაფრთხოების საშუალებები არ იყო, რაც საშიშ მდგომარეობას ქმნიდა.

უშუალოდ ავარიის შემდეგ კი, არქივების მიხედვით, მიღებული იყო დირექტივა, რომელიც კატასტროფის მიზეზების, რადიაციული ვითარების, ავარიის შედეგების ლიკვიდაციის შესახებ მონაცემების გასაიდუმლოებას გულისხმობდა.