მეცნიერებმა უჰანის ვირუსოლოგიის ინსტიტუტი მოინახულეს, ასევე დაათვალიერეს უჰანის ზღვის პროდუქტების ბაზარი და ერთ-ერთი უდიდესი ბაზრობაც. ამასთან, ჯანმო-ს ექსპერტები ჩინელ მეცნიერებსაც შეხვდნენ.

მეცნიერმა აღნიშნეს, რომ ზღვის პროდუქტების ბაზარზე ჩატარებული კვლევების დროს "მნიშვნელოვან მტკიცებულებებს" მიაკვლიეს. ინფექციის შემთხვევების გამოვლენისთანავე სასურსათო ბაზარი დაიხურა და ტერიტორია მას შემდეგ ”პრაქტიკულად ხელუხლებელია” რაც მისი შესწავლისათვის ხელსაყრელ გარემოს ქმნის.

ჯანმო-ს ექსპერტებმა აღნიშნეს, რომ როგორც ბაზრობაზე მოპოვებული ნიმუშებით დგინდება, თავდაპირველად ვირუსი მსუბუქი ფორმით ვრცელდებოდა, ხშირ შემთხვევაში უსიმპტომოდ, ზოგჯერ კი გაციებას ან გრიპს ჰგავდა. 

ჯანმო-ს ექსპერტები უჰანში იანვრის შუა რიცხვებში ჩავიდნენ და 28 იანვრიდან კორონავირუსის წარმოშობის შესწავლას შეუდგნენ. წინასწარი მონაცემებით, ჯანმო აცხადებს, რომ კორონავირუსი ხელოვნურად არ შექმნილა და იგი ბუნებრივი წარმოშობისა. ამასთან, ექსპერტები აღნიშნავენ, რომ ზღვის პროდუქტების ბაზარზე კორონავირუსის ინფექციის წარმოქმნისთვის ხელსაყრელი გარემოა და შესაძლოა მისი წარმომავლობის ადგილად სწორედ ის მივიჩნიოთ. თუმცა, კვლევის საბოლოო შედეგები ჯერ ცნობილი არ არის და ჯანმო წინასწარი დასკვნების გაკეთებისაგან თავს იკავებს.