"სამყაროს თავის ბალანსი აქვს, ჩვენ მოგვწონს თუ არა" - რა სარგებლობა მოაქვს კორონავირუსს?
იტალიაში მცხოვრები თამუნა ტუჩაშვილი ფეისბუქის საკუთარ გვერდზე შემდეგი შინაარსის სტატუსს აქვეყნებს:
"რა სარგებლობა მოაქვს კორონავირუსს ?
(თუ ვინმეს ჩემი ცემა მოგინდებათ ,იტალიაში ვარ და მოდით)
1. შენელდა არაადამიანური ცხოვრების რიტმი.
2. წლობით სამსახურებსა და სასწავლებლებში გაბნეულმა ოჯახის წევრებმა სახლებში ნახეს ერთმანეთი.
3. სუფთავდება, იწმინდება და სუნთქავს ქალაქები, განსაკუთრებით იტალიის ტურიზმის მქონე ქვეყნისთვის. მაგალითად, რომს და ვენეციას სხვანაირად ეს არ ეღირსებოდა ხალხის რაოდენობის გამო ...
4. ვიბანთ ხელებს.
5. ეკონომიკის სერიოზული ვარდნა გამოიწვევს ფასების დაწევას და როგორც ჩემი მეგობარი ამბობს ,”მუთაქებიდან “ ფულის ამოღებას და ბრუნვაში გაშვებას. იტალიის ბანკებში დიდი იდენობის თანხაა, რომელსაც არასდროს ეხებოდნენ.
6. ქვეყნის ოდნავ გაახალგაზრდავების პროცესი - მესმის თითოეული ოჯახისთვის და ადამიანისთვის ყველა გარდაცვლილი ტრაგედიაა ,მაგრამ თითქმის გამქრალი შობადობის ფონზე, როცა საპენსიო ფონდები ხანდაზმულებს ვეღარ აუდის, იტალიის “ასაკი“ დასაწევი იყო და ამას თვითონაც ამბობენ ...
7.სამყაროს თავის ბალანსი აქვს, ჩვენ მოგვწონს თუ არა კატასტროფები, მიწისძვრები და პანდემიები უნარჩუნებენ დედამიწას წონასწორობას და ამას უნდა შევეგუოთ.
8. ყველა ,სამუშაო გრაფიკისგან გადაღლილი ადამიანი დაისვენებს რაღაც დროით. მე ,რადგან დაღლილი დავიბადე, ორმაგად ვისვენებ.
9. შემეხმიანა წლების სახეებ - სახელებ დავიწყებული ხალხი, ალბათ სხვებსაც... დიდი კომუნიკაბელურობით არ გამოვირჩევი, მაგრამ ყველას გამოჩენა გამიხარდა. ფიზიკური კონტაქტები და ჩვენიანებთან ახლო ურთიერთობა აქ ისედაც არ გვქონდა, მისალმებებით ამოვიწურებით და ჩვენი რეჟიმი დიდად არ შეცვლილა ამით.
10. პრობლემა სერიოზულია და ფრთხილად ვართ, ერთმანეთის გამოც, მაგრამ რაც არ უნდა იყოს, ჩემი ყოფნა - არ ყოფნით არც საქართველოს და არც იტალიას დედაენა არ დაეკარგება, სამყაროსთვის ჩვენ არავინ ვართ და მოვდუნდეთ, დავფიქრდეთ, ფასეულობები გადავაფასოთ ,ყველაფერი წარმავალია, ცხოვრებაში ერთხელ “ფილმშიც“ ვიცხოვროთ და ყველაფერი მოგვარდება ცოტა ხანში.
თუ ვინმე შეავსებს ჩამონათვალს, სიამოვნებით მივიღებთ, კარგია, რომ ვირტუალურად არ გადადის არაფერი,"- წერს თამუნა ტუჩაშვილი.
სიახლეები
- " პუტინისა და ზელენსკის შეხვედრა რუსეთისა და უკრაინის დელეგაციებს შორის გარკვეული შეთანხმებების მიღწევის შემთხვევაშია შესაძლებელი"
- "თვითონ ყველაზე მეტად სტკივა გული ქართველი ადამიანის წინააღმდეგ ძალადობაზე, თვითონ ყველაზე მეტად უყვარს ქართველი ახალგაზრდები" - ცოტნე ივანიშვილი ბიძინა ივანიშვილზე
- "ეს არის შეხსენება ყველასთვის, რომ ქართველი ხალხი მუდამ იდგება საკუთარ ღირებულებებზე, რომლებიც ჭეშმარიტად ქართული, ევროპული და ქრისტიანულია"
- "მიზანმიმართული ბრძოლა მიდის ოჯახის წინააღმდეგ" - მეუფე შიო
- "ჩვენ ვამბობთ, რომ ვემზადებით ნებისმიერი შემდეგი არჩევნებისთვის, რაც ნიშნავს, რომ ვემზადებით შესაძლო საპარლამენტო და მუნიციპალური არჩევნებისთვისაც"
