"არასდროს, არცერთ ეტაპზე, საქართველოს ისტორიის არცერთ მომენტში რუსეთს სიკეთე არ მოუტანია ჩვენი ქვეყნისთვის" - დავით ლიკლიკაძე
ჟურნალისტი დავით ლიკლიკაძე სოციალურ ქსელში აგვისტოს ომის 15 წლის თარიღთან დაკავშირებით, პოსტს აქვეყნებს:
"არასდროს, არცერთ ეტაპზე, საქართველოს ისტორიის არცერთ მომენტში რუსეთს სიკეთე არ მოუტანია ჩვენი ქვეყნისთვის. ყოველთვის იყო აგრესორი და არასაიმედო პარტნიორი. ამას ამბობდა ილია, აკაკი, ვაჟა, ყაზბეგი, ნიკო ნიკოლაძე, დიმიტრი ყიფიანი და სარეთოდ ვინც გახსენდებათ დიდი ქართველი.
21-ე საუკუნის რუსეთი კი როგორი სამარცხვინოა ამას უკვე საკუთარი თვალით ვხედავთ.
რუსეთი დადასტურებულად ებრძოდა ისტორიის მანძილზე ქართულ ეკლესიას, ქართველ მოაზროვნეებს, ქართულ ენას, ქართულ ტერიტორიებს.
დღეს აგვისტოს ომის 15 წლის გადმოსახედზე, ვერანაირად ვერ მოშუშდება იარა, ვიდრე არ მოხდება ჩვენი ქვეყნის სრული დეოკუპაცია და ეს აუცილებლად მოხდება!
ამასთან არ ვივიწყებთ და სამარადისო დიდებას ვუთვლით საქართველოს ტერიტორიულ მთლიანობისთვის შეწირულ ყველა გულანთებულ მამულიშვილს,"- წერს დავით ლიკლიკაძე.
შეგახსენებთ, რომ 2008 წლის აგვისტოს ომიდან 15 წელი გავიდა.
სიახლეები
- "უწმინდესმა გვასწავლა, რომ ჭეშმარიტი ძალა სიმდაბლეშია, რომ ნამდვილი გამარჯვება რეალური სიმტკიცეა" - როგორ იხსენებენ პატრიარქს
- საქართველოს კათოლიკოს-პატრიარქი ილია მეორე სიონის ტაძარში დაკრძალეს
- "უფალმა ილია მეორე მოავლინა მარტო კაცად და უბრუნდება მთელი ერით - ასე ხილულად, ასე ერთად, ასე გამთლიანებულად, როგორც ეს ამ დიდებულ დღეებში გაცხადდა"
- "გამხნევდით ძმანო და შვილნო, თქვენი პატრიარქი და მამა არ მომკვდარა, არამედ სძინავს, სწორედ პატრიარქ ილიაზეა ნათქვამი: „მკვდარი ცოცხალია“, რამეთუ მართალი მკვდარნი ცოცხლობენ"
- "ილია მეორის მოღვაწეობა გამოირჩეოდა სიბრძნითა და მაღალი მორალური ავტორიტეტით, რამაც მას უდიდესი პატივისცემა მოუტანა როგორც საქართველოში, ასევე მის ფარგლებს გარეთ"
