" ცოტა ხნის წინ ლოქდაუნებით დატანჯულმა ჩინელებმა არნახული პროტესტი მოაწყვეს და რეჟიმს დათმობებზე წასვლა მოუხდა"
კორონავირუსის ახალი ტალღა ურტყამს როგორც ეკონომიკას, ასევე სი ძინპინის რეჟიმსაც,- ამის შესახებ ექსპერტi საერთაშორისო საკითხებში თორნიკე შარაშენიძე სოციალურ ქსელში წერს.
მისი თქმით, ჩინეთში ძინპინის რეჟიმის მესამე ვადით არჩევა უპრეცედენტო მოვლენაა და მის ლეგიტიმაციას წარმატებები ესაჭიროება.
"უკრაინაში მიმდინარე ომის პარალელურად უმნიშვნელოვანესი მოვლენები ვითარდება ჩინეთში.
კორონავირუსის ახალ ტალღას ქვეყანა სრულიად მოუმზადებელი დახვდა. მოსახლეობის მასობრივი გამოკეტვის შედეგად კოლექტიური იმუნიტეტი ვერ განვითარდა.
ახალი ტალღა ურტყამს როგორც ეკონომიკას, ასევე სი ძინპინის რეჟიმსაც რომელიც მესამე ვადით დარჩა ხელისუფლების სათავეში. მესამე ვადა ჩინეთში უპრეცედენტო მოვლენაა და მის ლეგიტიმაციას წარმატებები ესაჭიროება.წარმატებების პერსპექტივა კი არ ჩანს. ამას ისიც დაემატა რომ ცოტა ხნის წინ ლოქდაუნებით დატანჯულმა ჩინელებმა არნახული პროტესტი მოაწყვეს და რეჟიმს დათმობებზე წასვლა მოუხდა. ეს უკვე ძალიან სახიფათო პრეცედენტია.
პეკინში ცხადია ყურადღებით აკვირდებიან უკრაინაში მიმდინარე ომს და რაც უფრო მეტად გაუჭირდება რუსეთს, მითუფრო შეეცდება ჩინეთი დასავლეთთან დალაგდეს, აიცილოს თავიდან შესაძლო სანქციები და ეკონომიკა გადაარჩინოს,"- წერს თორნიკე შარაშენიძე.
სიახლეები
- “დღეიდან წინასაარჩევნო კამპანიის წარმოების წესები ამოქმედდა - 4 ოქტომბერს გაიხსნება 3051 საარჩევნო უბანი, რომელთაგან 2284 უბანზე კენჭისყრა ელექტრონული, ხოლო 767 უბანზე ტრადიციული წესით ჩატარდება” - ცესკო
- “საქართველოს ხედვა ნათელია, არ ვცდილობთ მხოლოდ ჰაბი გავხდეთ, ჩვენი მიზანია ვიყოთ მრავალფუნქციური, მრავალმიმართულებიანი ჰაბი კონტინენტების, ბაზრების, ერებისა და იდეების დამაკავშირებელი” - ირაკლი კობახიძე
- “ხაზგასმით აღვნიშნავთ, რომ სიცრუეა ხაზარაძის და მისი თანაპარტიელების განცხადება, თითქოს მათ აღმოაჩინეს „ტექნიკური გაუგებრობა“ და თავადვე მოახდინეს ბიუჯეტის წინაშე არსებული დავალიანების ანგარიშსწორება” - შემოსავლების სამსახური
- “ენერგომატარებლების გაიაფება ომს შეაჩერებს” - ტრამპი
- ძველი აეროდრომი ახალი მიზნებისთვის – აშშ წყნარ ოკეანეში პოზიციებს აძლიერებს
