იმერეთში სახელმწიფო რწმუნებულმა შავლეგო ტაბატაძემ ქალთა საერთაშორისო დღე იმერეთის რეგიონის ყველაზე ასაკოვან მეეზოვეს 81 წლის მარგალიტა აბრამიძესა და ყველაზე დაბალი ასაკის მქონე 21 წლის მეეზოვეს ლოლიტა თუთაშვილს მიულოცა.
ქალთა საერთაშორისო დღე ქუთაისის მერმა, გიორგი ჭიღვარიამ და საკრებულოს ჯანდაცვისა და სოციალურ საკითხთა კომისიის თავმჯდომარემ, მამუკა რიჟამაძემ ქუთაისში არსებულ საქართველოს იუსტიციის სამინისტროს, სპეციალური პენიტენციური სამსახურის N 2 დაწესებულებაში მსჯავრდებულ ქალებს მიულოცეს. ამდროისათვის დაწესებულებაში სასჯელს 11 ქალი იხდის. ქალთა დღე ქუთაისის მერმა სასჯელაღსრულების დაწესებულებაში მომუშავე ქალბატონებსაც მიულოცა და სამახსოვრო საჩუქრები გადასცა.
ქუთაისში ყოფილი ქარხნის შენობის "საქართველოს კულტურის პალატისთვის" უსასყიდლოდ გადაცემასთან ერთად, დაპირისპირების მიზეზი შენობის მდგრადობის შესწავლის საკითხიც გახდა.
ქუთაისში, ავანგარდის ყოფილი ქარხნის შენობა, სადაც 8 მარტს მომღერალ სტეფანე მღებრიშვილის კონცერტია დაგეგმილი, "კულტურის პალატას" უსასყიდლოდ დღეს გადაეცა.
იმერეთში სახელმწიფო რწმუნებულმა შავლეგო ტაბატაძემ, მოადგილესთან ბესიკ გოფოძესთან ერთად, წყალტუბოსა და ხონის მუნიციპალიტეტებში ტურისტული ობიექტები დაათვალიერა.
სინოპტიკოსების პროგნოზით, 7-დან 8 მარტის დილამდე საქართველოში მოსალოდნელია დროგამოშვებით ნალექიანი ამინდი, ზოგან იქროლებს დასავლეთის მიმართულების ძლიერი ქარი, მაღალმთიან ზონაში შესაძლებელია ქარბუქი.
