“ტრამპი დიდი სიამოვნებით შესწირავდა უკრაინის და ევროპის ინტერესებსაც თავის მანიაკალურ სურვილს – ნობელის პრემია მიიღოს მშვიდობის დარგში” - მერაბ მეტრეველი
“ტრამპი დიდი სიამოვნებით შესწირავდა უკრაინის და ევროპის ინტერესებსაც თავის მანიაკალურ სურვილს ნობელის პრემია მიიღოს მშვიდობის დარგში. მას აქვს მანიაკალური ახირება, რომ ისტორიაში შევიდეს, როგორც ყველაზე მშვიდობისმყოფელი პრეზიდენტი”, – ამის შესახებ ჟურნალისტი, მერაბ მეტრეველი სოციალურ ქსელში წერს.
მისი განცხადებით, ტრამპი პუტინს სწორედ იმიტომ “უძვრება”, რომ მისი სანუკვარი სურვილის ასრულება და ომის დასრულება სწორედ რუსეთის პრეზიდენტს შეუძლია.
“რად უნდა ამას დიდი ფილოსოფია და ანალიზი!
ტრამპი დიდი სიამოვნებით შესწირავდა უკრაინის და ევროპის ინტერესებსაც თავის მანიაკალურ სურვილს ნობელის პრემია მიიღოს მშვიდობის დარგში. მას აქვს მანიაკალური ახირება, რომ ისტორიაში შევიდეს, როგორც ყველაზე მშვიდობისმყოფელი პრეზოდენტი, ამიტომ, ახსნებს მუდამ მშვიდობას და ითვლის, რამდენ ქვეყანაში დაამყარა ის.
ესაა მთელი ალია-ბალია, რაც მის პოლიტიკაზე უნდა ვიცოდეთ.
ნობელის პრემიას კი მარტო კამბოჯაში და კავკასიაში მიღწეული მშვიდობისთვის არავინ მისცემს. ყველაზე დიდი კარტი უკრაინაა.
მისი ამ სანუკვარი სურვილის ასრულება კი უპირველესად პუტინზეა დამოკიდებული. სწორედ მას შეუძლია ომის დასრულება, ზელენსკის არ შეუძლია, რადგან ომი პუტინმა დაიწყო, ის დაესხა თავს სხვას და სწორედ მან უნდა შეწყვიტოს თავდასხმა. ზელენსკის არც ომი დაუწყია და არც ვინმეს დასხმია თავს, შესაბამისად, ომს ის ვერც შეწყვეტს. მას მხოლოდ წინააღმდეგობის შეწყვეტა შეუძლია.
ამიტომაც უძვრება ის პუტინს. მისთვის სასურველი კარტი მართლაც მას აქვს და არა ზელენსკის.
ამ მიზნის მისაღწევად მან აქამდეც ბევრჯერ სცადა გაეწირა უკრაინის და ევროპის ინტერესები მშვიდობის სანაცვლოდ, მაგრამ არაფერი გამოუვიდა. დარწმუნებული ვარ არც ახლა გამოუვა”, – წერს მერაბ მეტრეველი.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
