საქართველოში პური იაფდება
საქართველოში პური იაფდება. პურის მწარმოებელი კომპანიების ნაწილმა პროდუქტზე ფასები უკვე შეამცირა. თუმცა, ელოდებიან, რომ მსოფლიო ბაზარზე არსებული ტენდენციებიდან გამომდინარე, პირველადი მოხმარების პროდუქტს კიდევ უფრო მეტი მწარმოებელი გააიაფებს.
„მსოფლიოში ხდება ხორბლის გაიაფება. ეს ძირითადად განპირობებულია რეგიონულად, მათ შორის ჩვენს რეგიონში მიმდინარე პროცესებით. სტაბილურად მუშაობს უკრაინის დერეფანი, ანუ უკრაინის პორტებიდან გამოდის ხორბალი და მიეწოდება მსოფლიოს. შესაბამისად, ამან სტაბილიზაციის პირობა შექმნა. მეორე სერიოზული ფაქტორი არის ის, რომ რუსეთში არის ხორბლის ძალიან დიდი მოსავალი. შესაბამისად გადავსებულია საცავები. ფქვილი გაიაფდა დაახლოებით 10 ლარით. ახლა მთავარია, რომ ეს ყველაფერი აისახოს სუპერმარკეტებში და მარკეტებში, რომ მომხმარებლამდე მივიდეს ეს ფასი სწორად“, - განაცხადა ხორბლისა და ფქვილის მწარმოებელთა ასოციაციის აღმასრულებელმა დირექტორმა ლევან სილაგავამ.
სიახლეები
- "უამრავი ხალხია გამოსული, არაფერს ნიშნავს ეს კანონები, ამით ვერ აჩერებ ხალხს" - სალომე ზურაბიშვილი აქციაზე
- 13 დეკემბრის ასტროლოგიური პროგნოზი
- პარლამენტმა „შეკრებებისა და მანიფესტაციების შესახებ“ კანონში ცვლილებები მესამე მოსმენით მიიღო
- "არ შეიძლება, ჩვენ ვინმეზე ან რამეზე დამოკიდებული ვიყოთ, ეს არის ჩვენი მთავარი მოტივაცია" - მიხეილ ყაველაშვილი
- უცხოური ვალუტის ოფიციალური კურსი 11 დეკემბრისთვის
