იუსტიციის სამინისტრო ვაქცინირებულებისთვის შეღავათებს აწესებს
კოვიდვაქცინის ორი დოზით აცრილი პირები იუსტიციის სამინისტროს სერვისების ნაწილს უფასოდ მიიღებენ, ნაწილს კი – ნახევარ ფასად.
როგორც იუსტიციის სამინისტროს ინფორმაციაშია აღნიშნული, სრულად ვაქცინირებულები უსასყიდლოდ იუსტიციის სამინისტროს შემდეგი სერვისებით ისარგებლებენ: ინდივიდუალური მეწარმის რეგისტრაცია, რეგისტრირებულ მონაცემებში ცვლილება და შეწყვეტა; უძრავ ქონებაზე ამონაწერის განახლება.
კოვიდვაქცინის ორივე დოზით აცრილ პირებზე 50%-იანი ფასდაკლება იმოქმედებს შემდეგ სერვისებზე: ქორწინების დამაბრკოლებელი გარემოებების შესახებ ცნობა; ID ბარათზე სერტიფიკატის განახლება.
იუსტიციის სამინისტროს მიერ დაწესებული შეღავათების მიღება ორჯერადად ვაქცინირებულთათვის იუსტიციის სახლებსა და საზოგადოებრივ ცენტრებში წინასწარი ჯავშნის გარეშე იქნება შესაძლებელი.
სიახლეები
- მერიამ „ურბანული წესრიგის დაცვის მიზნით“ „მოტოინსპექცია“ შექმნა
- “ევროკავშირის საელჩოს კონტრაქტორი ორგანიზაციები თავს დაესხნენ საპატრიარქოს - ჰერჩინსკი ან გაემიჯნება ან ეს იქნება განხილული, როგორც პირადად ჰერჩინსკის თავდასხმა ეკლესიაზე” - შალვა პაპუაშვილი
- "ისინი აკეთებდნენ ისეთ რამეებს, რაზეც არავის უფიქრია სხვა ქვეყნებში... ჰილარი კლინტონიც იყო ჩართული" - ტრამპმა ობამა ღალატში დაადანაშაულა
- უცხოური ვალუტის ოფიციალური კურსი 24 ივლისისთვის
- “პოლიციელმა მოვალეობის შესრულებისას მოქალაქეს ოქროს ნივთი მოჰპარა” - შსს
