როგორც ირკვევა, ის შეკვეთლში დასასვენებლად თბილისიდან ჩავიდა. ზღვიდან სკუტერის ამოყვანინსას კი, სავარაუდოდ დენმა დაარტყა და გარდაიცვალა. მას სკუტერი რამდენიმე პირთან ერთად, სპეციალური ელექტრომოწყობილობით მოჰყავდა. 

„როგორ გამიხეთქე გული შე უნამუსო ბავშვო! ჩაგლიჯე და დააცარიელე გული.ღმერთო რა უსამართლოა სამყარო… გული გამისკდა“,- წერენ გარდაცვლილის ახლობლები სოციალურ ქსელში.

„ღმერთო, ჯერ კიდევ ამ ბიჭის ბიძა, ისიც ლადო გოგუა არ მოგვინელებია და ახლა ეს ტრაგედია კიდევ… როგორც გავიგეთ, სკუტერი ამოყავდათ ზღვიდან ტროსით, ლადო კი წყალში მდგარა და ტროსიდან დენმა დაარტყაო“, – ამბობენ გარდაცვლილის ახლობლები.

ფაქტთან დაკავშირებით დაწყებულია გამოძიება, ცხედარს ექსპერტიზა უკვე ჩაუტარდა.

ლადო გოგუას თბილისში დაკძალავენ.