დიპლომატიური უწყება მათ აფრთხილებს, რომ კორონავირუსის ახალი შტამის გავრცელების გამო, რამდენიმე ქვეყანამ უკვე აკრძალა დიდი ბრიტანეთთან ფრენები და შესაბამისად, მგზავრების მიღება. 

საელჩოს ინფორმაციით ასეთი ქვეყნების ჩამონათვალს კიდევ რამდენიმე შეუერთდება. 

"საქართველოს მოქალაქეების საყურადღებოდ!

ლონდონსა და სამხრეთ-აღმოსავლეთ ინგლისში (COVID-19) კორონავირუსის ახალი სახეობის სწრაფად გავრცელების გამო, 21 დეკემბრიდან ევროპის ზოგიერთმა ქვეყანამ მიიღო გადაწყვეტილება ბრიტანეთიდან საერთაშორისო საჰაერო თუ სახმელეთო მგზავრობის აკრძალვის შესახებ. კერძოდ: ირლანდიამ, იტალიამ, ნიდერლანდებმა და ბელგიამ.უახლოეს პერიოდში მგზავრობის შეზღუდვის დაწესებას ასევე განიხილავენ შემდეგი ქვეყნები: საფრანგეთი, გერმანია, ესპანეთი, ავსტრია და ისრაელი.აღნიშნულ სიას შესაძლოა დაემატოს სხვა ქვეყნებიც. შესაბამისად, ბრიტანეთიდან საქართველოში გამგზავრების მსურველებმა, გთხოვთ, გადაამოწმოთ მგზავრობის შესაძლო მარშრუტები და ყურადღებით გაეცნოთ ბრიტანეთის მთავრობის ვებ-გვერდზე განთავსებულ ინფორმაციას", - ნათქვამია საელჩოს განცხადებაში.