მისი თქმით, ინდური შტამი, რომელიც ცნობილია როგორც B.1.617 სახეობა, უფრო სწრაფად ვრცელდება ვიდრე ჩინური, ბრაზილიური და სამხრეთ აფრიკული შტამი.

"ისე, როგორც სხვა შტამები ინდურ B.1.617 შტამიც აერთიანებს 10-ზე მეტ მუტაციას და მათ შორის ორ ცნობილ, განსაკუთრებულად საშიშ, ბრაზილიურსა და კალიფორნიულ მუტაციებს.

ინდური შტამის მეცნიერული შესწავლის შედეგად აღმოჩნდა, რომ ორივე სახეობის მუტაცია მოთავსებულია კოვიდ ვირუსის იმ ნაწილთან, რომელიც უშუალოდ ახდენს ადამიანის იმუნურ სისტემასთან ზემოქმედებას. ამიტომაც, ინდურ შტამს ორმაგი მუტაციური შტამი ეწოდება. ინდური შტამის მიმართ მეცნიერთა შიში გამოწვეული იყო კითხვით: - თუ რა მოხდებოდა, როდესაც ეს ორივე (ბრაზიული და კალიფორნიული) მუტაცია ერთდროულად მოხვდებოდა უჯრედში;  ანუ მოხდებოდა თუ არა მუტაციების შედეგების გაერთიანება და კოვიდვირუსის გაძლიერება. საბედნიეროდ, მეცნიერულმა გამოკვლევებმა აჩვენეს, რომ ინდური შტამი ორმაგი მუტაციით არ არის უფრო მეტად დამაზიანებელი სხვა სახეობის ვირუსებთან შედარებით,"- აცხადებს ფრიდონ შუბითიძე FirstNews.ge-თან საუბარში.