პოლიციელ მირიან ქავთარაძის სიტყვიერ შეურაცხყოფაში ბრალდებულ თორნიკე სხვიტარიძეს 5-დღიანი ადმინისტრაციული პატიმრობა, ანი ქავთარაძეს კი 5000 ლარიანი ჯარიმა დაეკისრა
თბილისის საქალაქო სასამართლომ პოლიციელ მირიან ქავთარაძისთვის სიტყვიერ შეურაცხყოფაში ბრალდებული თორნიკე სხვიტარიძე სამართალდამრღვევად ცნო და 5-დღიანი ადმინისტრაციული პატიმრობა შეუფარდა, ხოლო, ამავე საქმეზე ბრალდებულ ანი ქავთარაძეს 5000- ლარიანი ჯარიმა დააკისრა.
მოსამართლის გადაწყვეტილებამ სასამართლო პროცესზე დამსწრეების გაღიზიანება გამოიწვია.
აღნიშნულით სასამართლომ შსს-ს შუამდგომლობა დააკმაყოფილა. დაცვის მხარე კი, ორივე პირის მიმართ სამართალწარმოების შეწყვეტას ითხოვდა. ადვოკატის განმარტებით, საქართველოს კანონმდებლობით სიტყვისა და აზრის გამოხატვის თავისუფლება დაცულია და დაუშვებელია ადამიანის დევნა აზრი გამოხატვის გამო. ადვოკატის განმარტებით, ამ შემთხვევაში, ნებისმიერი შეზღუდვა უნდა ემყარებოდეს უტყუარ მტკიცებულებას, თუმცა აღნიშნულ საქმეში უტყუარი მტკიცებულება არ არის წარმოდგენილი. მისი თქმით, მოცემულ შემთხვევაში ადგილი არ აქვს ადმინისტრაციულ სამართალდარღვევას არც თორნიკე სხციტარიძის და არც ანი ქავთარაძის მხრიდან.
შეგახსენებთ, თორნიკე სხვიტარიძეს და ანი ქავთარაძეს ედავებიან იმას, რომ მათ მირიან ქავთარაძეს მიმართეს შემდეგი სიტყვებით: „მონა“, „ქავთარაძეების გვარის სირცხვილი“.
ცნობისთვის, შინაგან საქმეთა სამინისტრო, თორნიკე სხვიტარიძეს, ასევე ანი ქავთარაძეს პოლიციელ მირიან ქავთარაძისთვის შეურაცხყოფის მიყენებას ედავება „ადმინისტრაციულ სამართალდარღვევათა კოდექსის“ 173-ე მუხლით.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
