ბათუმში რუსეთის მოქალაქე სასამართლომ 500 ლარით დააჯარიმა
რუსეთის მოქალაქე, რომელმაც ბათუმში ერთ-ერთ სათარჯიმნო ბიუროს თანამშრომელს ხელი დაარტყა და უკრაინის დროშა ჩამოხია, სასამართლომ 500 ლარით დააჯარიმა. შემთხვევა 19 მაისს მოხდა.
საქმე ბათუმის საქალაქო სასამართლოს მოსამართლე ხათუნა ბოლქვაძემ განიხილა. მან რუსეთის მოქალაქეებს საქართველოს პატივისცემისკენ მოუწოდა.
სათარჯიმნო ბიუროს თანამშრომლი “ინტერპრესნიუსთან” საუბრისას ყვება, რომ 19 მაისს მათ ოფისში მომსახურების მიზნით რუსეთის მოქალაქეები მივიდნენ, ოფისში გაკრული უკრაინის დროშა ჩამოხიეს და თანამშრომლებს სიტყვიერი და ფიზიკური შეურაცხყოფა მიაყენეს.
სათარჯიმნო ბიუროს თანამშრომლები ამბობენ, რომ მათ რუსეთის მოქალაქეებს მიუთითეს კერძო საკუთრებაში იყვნენ და სხვის ქონებას აზიანებდნენ, რის შემდეგაც რუსეთის მოქალაქე სათარჯიმნო ბიუროს თანამშრომელს ხელით შეეხო. მომხდარის გამო, სათარჯიმნო ბიუროს თანამშრომლებმა სამართალდამცავები გამოიძახეს.
სიახლეები
- ადვოკატის ვარაუდით, ნინო დათაშვილს ფსიქიატრიული ექსპერტიზისთვის შესაბამის დაწესებულებაში სავარაუდოდ, დღეს ან ხვალ გადაიყვანენ
- “კომისიის დასკვნა მნიშვნელოვანია იმით, რომ დოკუმენტში თავმოყრილია ყველა ის ფაქტი და ქმედება, რომელსაც სჩადიოდა “ნაცმოძრაობა”, მიხეილ სააკაშვილი და მათთან დაკავშირებული პირები” - თეა წულუკიანი
- ტრამპი აცხადებს, რომ აშშ-ის ბირთვული წყალქვეშა ნავები რუსეთის მახლობლად იმყოფებიან
- ირაკლი კობახიძე: ღრმა მწუხარებას გამოვხატავ უდიდესი ქართველი კინორეჟისორის – ელდარ შენგელაიას გარდაცვალების გამო
- “ელდარ შენგელაიას გარდაცვალება დიდი დანაკლისია არა მხოლოდ ქართული კინოსთვის, არამედ, მთელი ქვეყნისთვის” - ბიძინა და ეკატერინე ივანიშვილები
