„სიამაყეს ვერ გადავაბიჯებთ“: როგორ უმკლავდებიან კორონავირუსს აფხაზეთში და სამხრეთ ოსეთში“
ბრიტანული სამაუწყებლო კომპანია „ბი-ბი-სი“-ს რუსულმა სამსახურმა («BBC Russian») გამოაქვეყნა ვრცელი ანალიტიკური მასალა სათაურით „სიამაყეს ვერ გადავაბიჯებთ“: როგორ უმკლავდებიან კორონავირუსს აფხაზეთში და სამხრეთ ოსეთში“ (ავტორები - ოლღა ივშინა და ნინა ახმეტელი).
პუბლიკაციაში გადმოცემულია კორონავირუსთან ბრძოლის მიმდინარეობა საქართველოს სეპარატისტულ რეგიონებში, რომლებიც რუსეთის მიერაა ოკუპირებული.
სტატიაში აღნიშნულია, რომ აფხაზეთისა და „სამხრეთ ოსეთის“ ჯანდაცვის სისტემაში ბევრი ხარვეზია, აკლიათ ინდივიდუალური დამცავი საშუალებები, მედიკამენტები, ფინანსები და სპეციალისტები. მართალია, ოფიციალურად ამ რეგიონებში ვირუსით გარდაცვალება დაფიქსირებული არ არის, მაგრამ ავადმყოფები არსებობენ, განსაკუთრებით აფხაზეთში.
პუბლიკაციაში ყურადღება ექცევა მნიშვნელოვან საკითხებს: რა დახმარებას გაუწევს საქართველო აფხაზეთ-სამხრეთ ოსეთს და მიიღებენ თუ არა სეპარატისტები ამ დახმარებას? „ეპიდემიის მიუხედავად, ჩვენ თავის დაკარგვას არ ვაპირებთ.. მით უმეტეს, რომ არანაირი ისეთი აფეთქება არაა, რომ ჩვენ სიამაყეს გადავაბიჯოთ და თბილისში ვინმე გავგზავნოთ, ან დახმარება ვთხოვოთ“, - აცხადებს „ბი-ბი-სი“-სთან საუბარში კორონავირუსთან ბრძოლის ოპერატიული აფხაზური შტაბის წარმომადგენელი ალხას ჯინჯოლია.
მოამზადა სიმონ კილაძემ
წყარო:
https://www.bbc.com/russian/features-52395921?xtor=AL-73-%5Bpartner%5D-%5Byandex%5D-%5Bheadline%5D-%5Brussian%5D-%5Bbizdev%5D-%5Bisapi%5D
სიახლეები
- "უწმინდესმა გვასწავლა, რომ ჭეშმარიტი ძალა სიმდაბლეშია, რომ ნამდვილი გამარჯვება რეალური სიმტკიცეა" - როგორ იხსენებენ პატრიარქს
- საქართველოს კათოლიკოს-პატრიარქი ილია მეორე სიონის ტაძარში დაკრძალეს
- "უფალმა ილია მეორე მოავლინა მარტო კაცად და უბრუნდება მთელი ერით - ასე ხილულად, ასე ერთად, ასე გამთლიანებულად, როგორც ეს ამ დიდებულ დღეებში გაცხადდა"
- "გამხნევდით ძმანო და შვილნო, თქვენი პატრიარქი და მამა არ მომკვდარა, არამედ სძინავს, სწორედ პატრიარქ ილიაზეა ნათქვამი: „მკვდარი ცოცხალია“, რამეთუ მართალი მკვდარნი ცოცხლობენ"
- "ილია მეორის მოღვაწეობა გამოირჩეოდა სიბრძნითა და მაღალი მორალური ავტორიტეტით, რამაც მას უდიდესი პატივისცემა მოუტანა როგორც საქართველოში, ასევე მის ფარგლებს გარეთ"
