რუსულ პოპულარულ გაზეთის „იზვესტიის” («Известия») დღევანდელ, 30 ოქტომბრის ნომერში გამოქვეყნებულია ვრცელი ინტერვიუ ნინო ბურჯანაძესთან სათაურით „მიხეილ სააკაშვილი საქართველოს, თავის ტკივილის გარდა, სხვას არაფერს მოუტანს“, რომელშიც პარტია „დემოკრატიული მოძრაობა - ერთიანი საქართველოს“ ლიდერი, ქვეყნის პარლამენტის ექს-სპიკერი წინასაარჩევნო ფონზე საუბრობს სხვადასხვა საკითხების ირგვლივ, მათ შორის - რუსეთთან ურთიერთობის სავარაუდო პერსპექტივაზე და ექს-პრეზიდენტმიხეილ სააკაშვილის შანსებზე ხელისუფლებაში დაბრუნების თვალსაზრისით.
„ევრონიუს“-ის ინგლისურენოვან ვებ-გვერდზე გამოქვეყნებულია ბრიტანელი ექსპერტის ბრეტ ლავგროუვის კომენტარი სათაურით „საქართველოს პოტენციალი საფრთხის წინაშე დგას - რუსეთის მზარდი გავლენისა და კერძო ინტერესების გამო“, რომელშიც იგი საქართველოს ეკონომიკურ პერსპექტივას განიხილავს, შიდა და გარე ფაქტორების ფონზე.
“წინასაარჩევნოდ ჩატარებულ სხვადასხვა კვლევაში პარტიების ხუთეული სხვადასხვანაირად გამოიყურება, თუმცა ყველგან პირველ და მეორე ადგილს გამოკითხვებში “ქართული ოცნება” და “ნაციონალური მოძრაობა” იკავებენ.
არჩევნებზე მისვლა უსაფრთხოა პანდემიის პირობებშიც კი, რადგან ჩვენ ვასრულებთ ყველა რეკომენდაციას თქვენი ჯანმრთელობის უსაფრთხოებისთვის, - ამის შესახებ ცენტრალური საარჩევნო კომისიის თავმჯდომარემ თამარ ჟვანიამ განაცხადა და მოქალაქეებს აქტიურობისკენ მოუწოდა.
თბილისში, თავისუფლების მოედანზე შეკრებილ მხარდამჭერებს საქართველოს მესამე პრეზიდენტმა და ოპოზიციის პრემიერ-მინისტრობის კანდიდატმა უკრაინიდან მიმართა.
„ბევრი ვიშრომეთ და ისე მოვედით თქვენამდე, მზად ვართ, დავრჩეთ თქვენთან და ვიყოთ თქვენი ხმა პარლამენტში“ – პოლიტიკური მოძრაობა „სოციალური სამართლიანობისთვის“ გენერალური მდივანი, შორენა ახალია ამომრჩევლებს მხარდაჭერისკენ მოუწოდებს. მისივე განმარტებით, ეს არის არჩევნები ქვეყნის მომავლისთვის.
