ვისურვებდი, რომ „ნაციონალური მოძრაობა“ გაჰყვეს ბოლომდე იმ გზას, რასაც ხაბეიშვილი სთავაზობს. რეალურად, ეს არ არის ხაბეიშვილის გზა, ეს არის მერაბიშვილის, კეზერაშვილის და იმ უბედურების მომტანი ხალხის გზა, რომელმაც საქართველოს და ქართველ ხალხს რაც დაატეხა თავს, კარგად ვიცით, – ამის შესახებ „ქართული ოცნების“ წევრმა, ალუდა ღუდუშაურმა განაცხადა.
მისი თქმით, ხაბეიშვილი ახმოვანებს იმას, რასაც ეუბნებიან.
„გააგრძელონ ასე და დავინახავთ 2024-ში როგორ პირწმინდად დამარცხდებიან. რაც შეეხება სააკაშვილს, რაღა დროს მიშა სააკაშვილია, არ ვიცი რა როლი უნდა ჰქონდეს. არ ვიცი როგორ იქნება, სააკაშვილი მობრუნდება და დაუბრუნდება საქართველოს პოლიტიკას თურმე და ამ ყველაფერს შემდეგ უკვე პირად კონტროლზე აიყვანს ხაბეიშვილი, შემდეგ მარცხნიდან მათ მიერ პატივაყრილი მელია დააზღვევს ამ პროცესებს, ეს ყველაფერი ღიმილის მომგვრელია. რა როლი უნდა ჰქონდეს, როდესაც თუ ვინმე მსოფლიო ისტორიაში ახსოვთ, როგორც ცნობილი მატყუარა, ყველას გაუსწრო. დღეს მსოფლიო ისტორიაში პირველ ადგილს იკავებს, რომელიც 600 დღე კვდებოდა, 600 დღე პოლიტიკიდან მიდიოდა, შემდეგ უკვე ქართული დაავიწყდა. ვხედავდით მთელ ამ კასკადს და საინტერესოა, ახლა როგორ შეაფასებენ ის ადამიანები, რომლებიც იძახდნენ, რომ პრაქტიკულად საათებია დარჩენილი ფატალურ შედეგამდე“, – განაცხადა ღუდუშაურმა.
„ნაცმოძრაობის“ რეიტინგი წინა არჩევნებზე იყო 30 პროცენტი და ახლა 20 პროცენტზე ქვემოთაა ჩამოსული. აქედან გამომდინარე, ჩანს, რომ „ნაცმოძრაობას“ აქვს სერიოზული პრობლემები და ამას უკავშირდება გაერთიანებასთან დაკავშირებით მოწოდებები, – ამის შესახებ პარტია „ქართული ოცნების“ თავმჯდომარე ირაკლი კობახიძემ განაცხადა „ნაციონალური მოძრაობის“ თავმჯდომარის, ლევან ხაბეიშვილის „ფეისბუქ“ პოსტთან დაკავშირებით, სადაც ხაბეიშვილი წერს, რომ „ედისონ რისერჩის“ კვლევა არის კიდევ ერთი დასტური, რომ „ნაციონალური მოძრაობა“ ძლიერდება, ამავდროულად, ხაბეიშვილი აღნიშნავს, რომ მნიშვნელოვანია, ოპოზიციურმა პარტიებმა გარკვეული ერთობები შექმნან „ნაციონალური მოძრაობის“ გარეშე და უფრო გაძლიერდნენ.
საქართველო ფაქტობრივად ორადაა გაყოფილი და ყველა უამინდობა ამ ქვეყანას აბრუნებს შუა საუკუნეებში. საქართველოს ინფრასტრუქტურის სამინისტრო არის უმსგავსობის და კორუფციის ბუნაგი, რომელიც ადამიანების სიცოცხლისთვისაა საშიში, - ამის შესახებ „ლელოს“ წევრი თაზო დათუნიშვილი აცხადებს.
„საქართველოს პრეზიდენტი სალომე ზურაბიშვილი ავი ქალბატონია“, - ამის შესახებ „ლეიბორისტული“ პარტიის ლიდერმა შალვა ნათელაშვილმა „ფორმულას“ ეთერში ჩართვისას განაცხადა.
უკრაინამ და მოლდოვამ რეფორმების კუთხით კარგ პროგრესს მიაღწიეს და მოსალოდნელია, რომ მათ მომდევნო თვეებში დაასრულებენ, საქართველოსგან კი მეტი ძალისხმევაა საჭირო, - გამოცემა euractiv-ის ინფორმაციით, ამის შესახებ ევროკომისიის შუალედურ ანგარიშშია აღნიშნული, რომელსაც მიმდინარე კვირაში ზეპირი სახით წარადგენენ.
პრემიერ - მინისტრის ირაკლი ღარიბაშვილის განცხადებით, ოპოზიციის გაერთიანებას აქვს ნული პერსპექტივა. კითხვაზე, ოპოზიციის გაერთიანებას რა პერსპექტივა აქვს? ღარიბაშვილმა უპასუხა, რომ „ნული“.
